Thursday, November 25, 2010

சீரியல் கிச்சடி: மண்டையக் குடையும் கேள்விக்கும் பதில் வேணும் !

 
வலைத்தளப் பதிவுகளில் கனமான விசயங்களை போடுவதை விட சாதாரண விசயங்களைப் பற்றிப் பேசுங்கள். அது பரவலான வாசிப்புக்குச் செல்லும் என்று ஒரு வாசகர் கூறினார். அதுவும் சரிதான் எனப்பட்டது.

சரி லேசான விசயமாக எதை எழுதலாம் என்று சிந்தித்தபோது, ஒரு சின்ன விசயம் பளிச்சிட்டது. வேறொன்றுமில்லை, இன்று முட்டாள் பெட்டிகள், அதான் டிவி பெட்டி நம் சமூகத்தை ஆட்டி வைப்பதை கையறு நிலையில் பார்த்துக் கொண்டு தானே இருக்கிறோம். இது எப்படிப்பட்ட பண்பாட்டு விளைவுகளை ஏற்படுத்துகிறது என்பதைப் பற்றி நமக்கு ஆழமான ஆய்வு தேவைப்படுகிறது. அதைவிடுங்கள்.

ஆனால் தற்போது போய்க்கொண்டிருக்கும் சீரியல்களில் ஒன்று தங்கம். நெடுந்தொடர்களைப் பார்க்க பிடிக்காவிட்டாலும், வீட்டின் நடுவில் இருக்கும் அந்த முட்டாள் பெட்டி எம்மை அறியாமல் என் கவனத்துக்கு பட்டுவிடுகிறதே, அந்த ஆதிக்கத்தில் பட்டது தான் இந்தத்  தங்கமும். சரி விசயத்துக்கு வருகிறேன்.

"தங்கத்தில்" அய்யா கேரக்டரில் வரும் நம்ம விஜயகுமார் அநேகமாக அனைத்து சிக்கல்களையும் சமாளித்து அனைவரின் மரியாதைக்கும் உரியவராக வலம் வந்து கொண்டிருக்கிறார். நாடகத்தில் தான் என்பதை மறந்துவிட வேண்டாம். அப்பேர்பட்ட விஜயகுமார் தற்போது சென்னை காவல் துறை வாசல் படிக்கட்டில் ஏறி இறங்கிக் கொண்டிருக்கிறார்.

தங்கம் நாடகத்தில் அவ்வளோ பெரிய குடும்பத்தின் அனைத்துச் சிக்கல்களையும் தன் கடைக்கண் பார்வையிலேயே சமாளித்து, தீர்த்து வைத்துக் கொண்டிருக்கும் நம்ம அய்யா, இப்போது தான் பெற்ற சொந்த மகள் மீது காவல் நிலையத்தில் புகார் கொடுத்து மகள் கணவன், மருமகனை உள்ளே தள்ளி கம்பி எண்ண வைத்துக் கொண்டிருக்கிறார்.

இதென்னடா, வம்பாகப் போச்சு, நாடகம் நாடகம் தானே, அதை ஏன் நிஜ வாழ்க்கையோடு ஒப்பிடுகிறான் என்று என் மனநிலையை யாரும் சந்தேகப்பட்டு விட வேண்டாம்.

இது ஒன்றும் அந்தக் காலமில்லை, திரையில் தோன்றும் பாத்திரங்கள் எல்லாம் நிஜ வாழ்க்கையிலும் அப்படியே தான் இருப்பார்கள் என்று நம்பிக் கொண்டிருக்க. மக்கள் மிகவும் புத்திசாலிகளாகத் தான் இருக்கிறார்கள். வெள்ளித் திரை, சின்னத் திரைக்கும், நிஜ வாழ்க்கைக்கும் வித்தியாசம் தெரிந்து வைத்துத் தெளிவாகத் தான் இருக்கிறார்கள் என்று நீங்கள் சொல்வது என் காதுகளில் கேட்டுக் கொண்டு தான் இருக்கிறது.

அப்புறம் ஏன் நீ இதை ஒப்பிட்டுச் சொல்கிறாய் என்று கேட்கிறீர்களா, கேட்காவிட்டாலும் கேட்டதாக நினைத்துச் சொல்லி வைக்கிறேன், கேளுங்கள். நாடகத்தில் வாழ்க்கையை எளிமையாக சந்திக்கும் விஜயகுமாரால் சொந்த வாழ்க்கை சிக்கலை வீதிக்குக் கொண்டு வராமல் சமாளிக்க முடியவில்லை என்பதை விட்டுத் தொலையுங்கள். ஆனால் இந்த வேறுபாட்டை நன்றாக உணர்ந்திருந்தாலும் கூட நம் வீட்டுப் பெண்களும், சமூகமும் ஏன் இந்த முட்டாள் பெட்டியின் முன் தவம் கிடக்கிறார்கள்? இது தான் நான் கேட்கும் கேள்வியும். ஏதோ விசயம் சொல்ல வந்ததாகக் காட்டிவிட்டு என்னடா கேள்வியைக் கேட்கிறாய் என்று நீங்கள் கேட்கிறீர்களா? ஆமாம் அப்படித்தான் தெரிகிறது.

இப்போது கேள்வி கேட்பது எளிமையான விசயம் தான். ஆனால் அதற்கு பதில் சொல்வதுக்குத் தான் கனமான சிந்தனை தேவைப்படுகிறது. அடச் சே, என்னதான் லேசான விசயம் என்று பேசினாலும் மீண்டும் கனம் வந்து மண்டையை அழுத்துகிறதே?! சரி போகப் போகச் சரியாகிவிடும்.
.


இந்தக் கேள்விக்கு கனமான சிந்தனை தேவை என்கிறேனே, அது என்ன அப்படி சிக்கலான கேள்வியா? என்கிறீர்களா. சரி சொல்லுங்களேன் பதிலை. நான் கேட்டதென்ன, மீண்டும் ஞாபகப்படுத்துகிறேன், சின்னத்திரையையும், நிஜ வாழ்க்கையையும் பிரித்துப் பார்த்து அது வேறு, இது வேறு என்று புரிந்து கொள்ளும் நம் சமூகம் ஏன் சின்னத் திரை போதையில் சிக்கி இருக்கிறது?

இந்தக் கேள்வி ஒரு மில்லியன் டாலர் கேள்வியாகத் தான் இருக்கும் என்று நான் நினைக்கிறேன், இல்லையா?

அது சரி, நான் என்ன பதில் சொல்கிறேன் என்கிறீர்களா? அது வேறொன்னும் இல்லீங்க, இந்த மெகா சீரியல்களில் எல்லாம் குடும்பம் தனித்தனி ஆளுகளோட சுயநலத்தையும், எப்படி அவங்க இதில் சிக்கி சின்னாபின்னமாகுறாங்கனும் காட்டுறாங்க இல்லையா, அதுல ஏதோ நிஜ வாழ்க்கையைப் பிட்டுப் பிட்டு வைக்கிறமாதிரி காட்டுறாங்க. ஆனால் ஒரு வகையில எல்லா குடும்பங்களையும் செதச்சு செதச்சு தனித்தனியா அவங்கவங்களுக்கு வீடு, டிவி, விதவிதமா வண்டி, டிரஸ்ஸு, இன்னும் இன்னும் உபயோகப் பொருளெல்லாம் தனித்தனியா வாங்கிக் குவிக்கிறதுக்கு ஒரு பண்பாட்டு சமையல் தான் இந்த மெகா சீரியல்கள்னு நான் நினைக்கிறேன். சரிங்களா, கொஞ்சம் யோசிச்சு சொல்லுங்களேன்!

7 comments:

  1. தொ(ல்)லை தொடர்கள் நல்லா கல்லா கட்டுது என்பதில் சந்தேகம் இல்லே.. ஒரு நாள் வசூல் 3ல. இது போன வருட நிலை. இப்பொ இன்னும் கூடியிருக்கலாம்.

    இந்த வசூல்லுக்காக இவங்க செய்யுறது என்ன ?
    விஜய குமார் சிக்கலை தீர்கிற மாதிரி காட்றங்க சரி ஆன அந்த சிக்கலை உண்டக்க வில்லன் வில்லி செய்யும் சதியை விலவாரியாக் காட்டி மக்களிடம் வில்லத்தனம், சதி வஞ்சகம் , துரோகம் எல்லவறையும் பரப்பி தங்கள் கல்லா கட்டுறன்ஙக..

    பலரை துரோகம் , கொலை கொள்ளை பண்ண, அதனால பலர் கஷ்டபட வெச்சா..
    அப்புறம் அவங்க மட்டும் எப்படி நிம்மதியா இருக்க முடியும்.?


    அதிகபட்ச நடிகர் நடிகையர் சினிமா , நாடக துறையினரின் வாழ்க்கை இப்படி தான் இருக்கும். சிலர் நல்ல திரை தவித்து மிகவும் ஒழுக்கமா இருப்ப்ஙக அவ்னக வாழ்க்கை நல்லா இருக்கும்.. எனா செய்ய விதைத்ததை அறுக்கிறங்க...

    ReplyDelete
  2. மெஹா தொடர்களைப் பற்றி எவ்வளவு கிண்டல் வந்தாலும் அதை எப்படி தொடர்ந்து பார்த்துக் கொண்டிருக்கிறார்கள் என்று தெரியவில்லை. வளைகுடா நாடுகளில் சன் டைரக்ட் கனைக்சன் இல்லாதவர்களை ஏதோ வித்தியாசமாகப் பார்ப்பார்கள், என்னிடம் கேட்பார்கள் எப்படி உங்களுக்கு பொழுது போகுது என்று, நான் சொல்வேன் டிவி நம்மை அடிமையாக்குகிறது எதையும் சிந்திக்கவிடாமல் தடுக்கிறது. படிக்கவேண்டிய புத்தகங்களும் செய்திகளும் நிறைய இருக்கும் போது டிவி அதை மறைத்துவிடுகிறது, குறிப்பாக இந்த நெடுந்தொடர்கள்.

    ReplyDelete
  3. பட்டாபட்டி!
    வருகைக்கு நன்றி.

    வினோத்!
    இதில் நடிக நடிகையரைக் குறை சொல்வதைவிட, அவர்களை இப்படி ஆக்கி வைத்திருக்கிற இந்த பெரிய திரை, சின்னத்திரையின் ஆதிக்கம் குறித்து பேசுவது சரியாக இருக்கலாம் அல்லவா?

    ஹரிஹரன்!
    இந்த மெகா சீரியல்களின் கதையும், கதை சொல்லும் விதமும் மகா எரிச்சலூட்டுவதாக இருக்கிறது. ஆனாலும் மக்கள் பெரும் சுவாரசியத்துடன் பார்க்கிறார்கள். நம் மண்டையை குப்பைமேடாக்கி வைத்திருக்கிறார்கள் அவர்கள். அதை எப்படிச் சுத்தம் செய்வது அல்லது தூர் வாருவது எனவும் நாம் யோசிக்க வேண்டும்.

    ReplyDelete
  4. மெகா சீரியல்களை ஒரேயடியாக திட்டித் தீர்ப்பது 8 மணிக்கு பசியுடன் வீட்டுக்குள் நுழையும்போது, சமயல் ஆக்காமல், மனைவிமார்கள் டி.வி.யின் முன் உட்கார்ந்திருக்கும்போது சரியாக இருக்கலாம். ஆனால், உண்மை என்ன?. கடந்த காலங்களில் பாலகுமாரன் உட்பட பல நாவலாசிரியர்களுக்கு இருந்த வாசகர் கூட்டத்தின் மனோநிலைதான் இன்றையை அம்மையார்களுக்கும். படிக்க முடியாதவர்களும் கேட்க முடியும், பரந்துபட்ட பார்வையாளர் வட்டம் ஆகியவை மெகா சீரியல்களுக்கு கூடுதல் கவர்ச்சியைக் கொடுக்கின்றன.

    மனிதக்கூட்டம் பொழுதுபோக்கிற்காக ஏங்குவது, அது கலையின் எந்த வடிவத்தையும் வரவேற்கும். இதற்கான ஒரு மாற்று தளத்தை உறுவாக்காமல், மெகா சீரியல்களை எதிர்க்க முடியாது.

    ReplyDelete
  5. //மனிதக்கூட்டம் பொழுதுபோக்கிற்காக ஏங்குவது, அது கலையின் எந்த வடிவத்தையும் வரவேற்கும். இதற்கான ஒரு மாற்று தளத்தை உறுவாக்காமல், மெகா சீரியல்களை எதிர்க்க முடியாது. //
    அது சரி தான் , ஆரேக்கியமான அறிவை வளர்க்கும் பொழுதுபோக்குகள் பல உள்ளன.
    அறிவை வளர்க்கும் செஸ். மன, உடலை ஒருமை படுத்தும் கேரம், என பல உள்ளன.

    மேலும் குடும்பமாக பேசகூட நேரமில்லதவர் பலர். ஆனால் யோசிக்க, விளையாட கூட சோம்பல் படும் இல்லாள்கள் அதிகம் உள்ளதால் , தொடர்கள் வரவேற்றுப்பு பொறுகின்றன. மேலும் தொடர்களீன் மைய கரு ஒரு பெண் துயரபடுவது தான், அதன் தொடர்ச்சியாக மாமியார் கொடுமை, இன்ன பிற காட்டபடுகின்றன.

    இவற்றில் ப்ல பெண்களுக்கு சொந்த அனுப்வம் உள்ளதால், தொடர்கள் அவர்களின் வாழ்கையின் பிரதிபலிப்பக தெரிகிறது.

    எனவே மாற்று பொழுதுபோக்கால் மட்டும் தொடர் வரவேற்பை நிறுத்த் இயலாது.

    ReplyDelete
  6. வினோத்!

    நீங்கள் சொல்வதுபோல குடும்பமாக பேச இயலாமல் இருக்கிறார்கள். ஒருவித stress அலைக்கழிக்கிறது. பணிச்சுழல், புறச்சூழல் என பல காரணிகளை அடுக்கிக் கொண்டே போகலாம். இதை உருவாக்குவதும் அவர்களே. அதற்கு ரிலாக்ஸ் தருவதாக் கூறிக்கொண்டு இந்தக் குப்பைகளையும் அவர்களேத் தருகிறார்கள்.

    //பெண்களுக்கு சொந்த அனுபவமாக உள்ளதால்//இது பொருத்தமானதா என்று தாங்கள் யோசிக்க வேண்டும். இங்கு சொந்த அனுபவம் என்பதைவிட, சொந்த அனுபவம் போல உணர வைக்கிற ஜாலம் இருக்கிறது. நம் மக்கள் செண்டிமெண்ட்களில் கரைந்து தொலைந்து போகிறவர்கள்.

    ReplyDelete

Labels

Coca Cola (1) Peak Oil (1) Permaculture (1) Power of Community (1) Renewable energy (1) Solar energy (1) SOPA (1) sustainable agriculture (1) அ.குமரேசன் (6) அங்காடிதெரு (1) அணு ஆற்றல் (2) அணுமின் (1) அண்ணா (4) அண்ணா நூலகம் (1) அதிர்ச்சி (1) அத்வானி (2) அந்நிய முதலீடு (2) அபிநயா (1) அப்துல் கலாம் (1) அப்பணசாமி (2) அமெரிக்கா (20) அம்பானி (1) அம்பேத்கர் (9) அரசியல் (177) அரசியல்.நிகழ்வுகள் (6) அரசு (14) அரசு மருத்துவமனை (1) அரசு விடுதி மாணவர்கள் (1) அரவான் (1) அருந்ததியர் (1) அர்ஜெண்டினா (1) அலசல் (1) அவலம் (19) அழகு (1) அறிமுகம் (1) அனுபவம் (28) அன்னா ஹசாரே (1) அஜயன் பாலா (1) ஆ.ராசா (1) ஆணையம் (2) ஆதவன் தீட்சண்யா (3) ஆப்கானிஸ்தான் (1) ஆப்பிரிக்கா (2) ஆர்.மீனா (1) ஆர்எஸ்எஸ் (2) ஆவணப்படம் (3) ஆனந்தன் (2) இ.எம்.ஜோசப் (1) இ.பா.சிந்தன் (22) இட ஓதுக்கீடு (3) இடஒதுக்கீடு (1) இடதுசாரிகள் (4) இணையம் (2) இதழ்கள் (6) இந்தியா (69) இந்துத்துவா (8) இந்துஜா (1) இமு (2) இமு டிச11 (5) இமு நவமபர் 2011 (6) இயக்கம் (7) இயக்குனர் ஷங்கர் (1) இரா.சிந்தன் (5) இரா.செழியன் (2) இரா.நடராஜன் (3) இராம.கோபாலன் (1) இல.சண்முகசுந்தரம் (2) இலக்கியம் (38) இலங்கை (6) இலங்கைத் தமிழர் (4) இலவசக் கல்வி (1) இலவசங்கள் (1) இளவரசன் கொலை (1) இளைஞர் முழக்கம் (11) இஷ்ரத் (2) இஸ்ரேல் ஆக்கிரமிப்பு (1) இஸ்லாம் (3) ஈராக் (1) ஈரான் (2) உ.வாசுகி (1) உச்ச நீதிமன்றம் (1) உணவு நெருக்கடி (2) உதயசங்கர் (1) உத்தப்புரம் (1) உயர்கல்வி (2) உரையாடல்கள் (2) உலக சினிமா (4) உலகமயம் (5) உலகம் (46) உளவியல் (1) உள்ளாட்சி (1) உள்ளாட்சித் தேர்தல் (1) ஊடகங்கள் (14) ஊடகம் (8) ஊழல் (30) எடியூரப்பா (1) எம்.எப்.ஹூசேன் (1) எம்.சிவக்குமார் (2) எரிசக்தி (1) எல்.கே.ஜி (1) என்.ஜி.ஓ (1) என்கவுண்டர் (1) எஸ். பாலா (1) எஸ்.கண்ணன் (1) எஸ்.கருணா (3) எஸ்.பி.ராஜேந்திரன் (3) எஸ்.வி.வேணுகோபாலன் (2) ஏகாதிபத்தியம் (13) ஏமன் (1) ஒபாமா (4) ஓம்பிரகாஷ் வால்மீகி (1) ஓளிப்பதிவு (1) ஃபாக்ஸ்கான் (1) கச்சத் தீவு (1) கட்டுரை (51) கட்டுரைகள் (2) கணிணி (2) கணினி தொழில் நுட்பம் (1) கமல்ஹாசன் (1) கம்யூனிசம் (12) கருணாநிதி (11) கருத்து சுதந்திரம் (1) கருத்துரிமை (3) கலைஞர் (6) கல்வி (14) கவிதை (21) கவிதைகள் (1) கறுப்புப்பணம் (3) கனிமொழி (2) காங்கிரஸ் (10) காதல் (2) கால்பந்து (1) காவல்துறை (4) காஷ்மீர் (1) கி.பார்த்திபராஜா (1) கிங்பிஷர் (1) கியூபா (4) கிரீஸ் (1) குடும்பம் (1) குட்டி ரேவதி (1) குப்பன் சுப்பன் (1) குலாத்தி (1) குழந்தைகள் (9) குழந்தைகள் கடத்தல் (1) குஜராத் கலவரம் (1) குஜராத் படுகொலைகள் (1) கூகிள் அந்தரங்கம் (1) கூடங்குளம் (2) கே.சாமுவேல்ராஜ் (1) கே.பாலமுருகன் (1) கேள்விகள் (1) கைப்பற்றுவோம் போராட்டம் (1) கோவில் (1) ச.தமிழ்ச்செல்வன் (1) ச.மாடசாமி (1) சக்திஜோதி (1) சங்கமம் (1) சசிகலா (1) சச்சின் (1) சட்டசபை (2) சட்டம் (4) சத்யஜித் ரே (1) சந்திரகாந்தன் (1) சமச்சீர் கல்வி (4) சமவூதியம் (1) சமூக நீதி (2) சமூக வலைத்தளம் (1) சமூகப் பாதுகாப்பு (2) சமூகம் (177) சம்பு (1) சரத் பவார் (1) சர்வதேச பெண்கள் தினம் (1) சல்மான் ருஷ்டி (1) சா.கந்தசாமி (2) சா.செயக்குமார் (1) சாகித்திய அகாதமி விருது (1) சாக்லேட் (1) சாதீயம் (4) சாரா விஜி (2) சாலிம் அலி (1) சி.பி.எம் (9) சிக்கிம் (1) சிந்தனை (5) சிபி (1) சிராஜுதீன் (1) சில்லரை வர்த்தகம் (4) சிறப்பு பொருளாதார மண்டலங்கள் (1) சிறுகதை (12) சினிமா (52) சினிமா செய்திகள் (4) சினிமாச் செய்திகள் (4) சீத்தாராம் யெச்சூரி (2) சு.பொ.அகத்தியலிங்கம் (2) சு.வெங்கடேசன் (1) சுகாதாரம் (1) சுதிர் ரா (1) சுயமரியாதைத் திருமணம் (1) சுவாரசியம் (1) சுற்றுப்புறச் சூழல் (3) சூர்யா (1) செம்மலர் (4) செம்மலர் அக் 2011 (4) செய்திகள் (112) சென்னை (1) சோவியத் (1) சோஷலிசம் (1) டெல்லி (2) டேம் 999 (1) த.தமிழரசி (1) தகவல் உரிமை (1) தகவல் திருட்டு (2) தண்ணீர் (3) தமிழக மீனவர்கள் (1) தமிழகம் (66) தமிழர் (1) தமிழ்ச் சினிமா (1) தமிழ்நதி (1) தமுஎகச (4) தலித் (21) தற்கொலை (1) தனியார்மயம் (4) தனுஷ் (1) தி.க (2) திமுக (1) திரிணாமுல் (1) திருப்பூர் (2) திருமணம் (2) திரைக்குப் பின்னால் (2) திரைத்துறை (1) திரைப்பட விழா (1) திரைப்படம் (4) தினகரன் (1) தினமணி (3) தீக்கதிர் (9) தீண்டாமை (22) தீண்டாமையின் அடையாளங்கள் (1) தீபாவளி (1) தேசியச் செய்திகள் (4) தேர்தல் (4) தொண்டு நிறுவனங்கள் (1) தொலைக்காட்சி (2) தொழிலாளர் (6) ந.பெரியசாமி (1) நகர்ப்புற விவசாயம் (1) நகைச்சுவை (1) நக்கீரன் (1) நதிம் சயித் (1) நந்தலாலா (1) நந்தன் (1) நரேந்திர மோடி (6) நலத்திட்டங்கள் (2) நவம்பர் புரட்சி (1) நாடகம் (1) நாடாளுமன்றத் தேர்தல் 2014 (2) நாணய மதிப்பு (1) நாறும்பூநாதன் (1) நிகழ்வுகள் (154) நிலப்பிரபுத்துவம் (1) நிலமோசடி (1) நீதித்துறை (2) நீலவேந்தன் (2) நுகர்வுக் கலாச்சாரம் (2) நூல் அறிமுகம் (12) நூல் வெளியீடுகள் (1) நெல்சன் மண்டேலா (1) நேட்டோ (2) நையாண்டி (26) நையாண்டி் (14) ப.சிதம்பரம் (3) பசுபதி (1) படுகொலை (3) படைப்புகள் (2) பட்ஜெட் (1) பணவீக்கம் (2) பதிவர் வட்டம் (3) பதிவர்வட்டம் (1) பதிவுலகம் (1) பரிந்துரைகள் (5) பழங்குடி (1) பள்ளிக்கூடம் (1) பறவைகள் (1) பன்னாட்டுக் கம்பெனிகள் (3) பா.ஜ.க (3) பாகிஸ்தான் (2) பாடல் (5) பாதல் சர்க்கார் (1) பாதுகாப்பு (1) பாரதி (2) பாலபாரதி (1) பாலஸ்தீனம் (1) பாலியல் வன்முறை (6) பாலு மகேந்திரா (1) பால் சமத்துவம் (1) பாஜக (1) பி.சுகந்தி (1) பி.ராமமூர்த்தி (1) பிடல் காஸ்ட்ரோ (3) பிரணாப் முகர்ஜி (1) பிரபாத் பட்நாயக் (3) பிரளயன் (2) பிரிட்டன் (1) பிர்தவ்ஸ் ராஜகுமாரன் (1) பிளின் (1) பு.பெ.நவமபர் 2011 (1) புகைப்படங்கள் (1) புதிய பரிதி (2) புது விசை (12) புதுமை (1) புத்தக அறிமுகம் (2) புத்தகக் கண்காட்சிகள் (2) புத்தகம் (18) புத்தகம் பேசுது (17) புத்தகம் பேசுது நவம்பர் 2011 (8) புத்தகாலயம் (2) புத்தாண்டு (1) புபே (2) புபே டிச11 (8) புரட்சி (2) புவி (1) புவி டிச11 (5) புவி நவ 2011 (7) புனைவு (1) புஷ் (1) பெட்ரோல் (7) பெண் (11) பெண் விடுதலை (1) பெண்குழந்தை (1) பெண்ணியம் (9) பெண்ணெழுத்து (1) பெரியார் (2) பெருமுதலாளிகள் (7) பேட்டி (2) பேரா.சிவசுப்பிரமணியன் (2) பேஸ்புக் (1) பொருளாதார நெருக்கடி (2) பொருளாதாரம் (24) போக்குவரத்து (1) போராட்டம் (15) போலீஸ் தாக்குதல் (3) ப்ரிசம் (4) ப்ரிசம் - தகவல் திருட்டு (7) ப்ரியா தம்பி (1) மக்களுக்கான மருத்துவம் (1) மக்கள் நலப்பணியாளர்கள் (2) மக்கானா (1) மத அடிப்படை வாதம் (1) மதவெறி (3) மதுசூதனன் (1) மம்தா (3) மம்முட்டி (1) மரபணு (1) மலாலாய் சோயா (1) மவோயிஸ்டுகள் (1) மன்மதன் அம்பு (1) மன்மோகன்சிங் (10) மா ற்று (1) மாட்டுக்கறி (1) மாதர் சங்கம் (1) மாதவராஜ் (2) மாவோ (1) மாற்ற (1) மாற்று (223) மின்கட்டணம் (1) மின்சாரம் (1) மீள்பார்வை (2) முதலாளி (1) முதலாளித்துவம் (11) முத்தமாக மாறேன் (1) முத்துக்கண்ணன் (1) முல்லைப் பெரியாறு (7) முறைகேடுகள் (5) மெகாசீரியல் (1) மே.வங்க அரசு (1) மே.வங்கம் (1) மேதினம் (1) மேற்கு வங்கம் (1) மொக்கை (1) மொழி (2) மொழிபெயர்ப்பு (1) மோசடி (1) மோடி (3) மோனிகா (1) யுத்தம் (2) ரத யாத்திரை (1) ரமேஷ் பாபு (2) ராகுல் காந்தி (2) ராடியா (2) ராஜ பக்‌ஷே (1) ரிலையன்ஸ் (1) ருமேனியா (1) லட்சுமணப்பெருமாள் (2) லெனின் (2) லோக்பால் (5) வசந்த பாலன் (1) வண்ணக்கதிர் (1) வரலாறு (19) வலைப்பூக்கள் (1) வழக்கு விசாரணை (1) வாசிப்பு (5) வாச்சாத்தி (1) வால் ஸ்டிரிட் (3) வால்மார்ட் (1) வால்ஸ்டிரிட் போராட்டம் (2) வாழ்க்கை (4) வானியல் (2) விக்கிபீடியா (1) விக்கிலீகஸ் (1) விக்கிலீக்ஸ் (7) விஞ்ஞானம் (2) விமர்சனம் (10) விலையேற்றம் (2) விலைவாசி (11) விலைவாசி உயர்வு (2) விவாதங்கள் (1) விவாதம் (9) விளம்பரம் (1) விளையாட்டு (4) வினவு (1) விஜய் (2) விஜய் மல்லையா (1) வீட்டுவசதி வாரியம் (1) வீரமணி (2) வெண்மணி (2) வெள்ளம் (2) வெனிசுவெல்லா (1) வேலையின்மை (2) வோடாபோன் (1) ஜப்பான் நெருக்கடி (2) ஜாக்கிசான் (1) ஜாதி (1) ஜாபர் பனாகி (1) ஜூலியன் அசாங்க (1) ஜெயலலிதா (9) ஜோதிடம் (1) ஸ்டீவ் ஜாப்ஸ் (1) ஸ்பீல்பர்க் (2) ஸ்பெக்ட்ரம் (6)