களவாடப்பட்ட சமூக நீதி

ஆசிரியர் தகுதித்தேர்வு மற்றும் பணி நியமனத்தில் சமூக நீதியை நிலைநாட்டும் இடஒதுக்கீடு முற்றிலும் திருடப்பட்டிருக்கிறது. ஆசிரியர் தரத்தை உயர்த்துவதில் யாருக்கும் ஆட்சேபணை இருக்காது. அதற்கு முதலில் ஆசிரியர் பயிற்சி நிறுவனம் மற்றும் கல்வியியல் கல்லூரி உள்ளிட்டவற்றில் பாடத்திட்ட முறையில் மாற்றம் கொண்டு வரலாம். காலத்திற் கேற்ப நவீன தொழில்நுட்பங்களுடன் கூடிய பயிற் சியை அளித்தும், பயிற்றுவிக்கவும் கற்றுக் கொடுக்கலாம். மருத்துவக்கல்வி தகுதித் தேர்வு உள்ளிட்டு நெட், ஸ்லெட், டெட் போன்ற அனைத்து தகுதி தேர்வுகளிலும் வகுப்பு வாரியாக தகுதி மதிப்பெண் நிர்ணயம் செய்யப்பட்டு, இடஒதுக்கீடு கடைப்பிடிக்கப்படுகிறது. ஆனால் தமிழகத்தில் தற்போது நடைபெற்ற ஆசிரியர் தகுதி தேர்வில் வகுப்புவாரியாக தகுதி மதிப்பெண் நிர்ணயம் செய்யப்படவில்லை.

இத்தகைய தவறு நடந்து விடக்கூடாது என்பதற்காகவே தேசிய ஆசிரியர் கல்விக்கழகத்தின் இடஒதுக்கீடு விதியும் தெளிவாக வரையறுக்கப்பட்டிருக்கிறது. ஆசியர் தகுதி தேர்வு மதிப்பெண் 60 சதவிகிதம் என்று பொதுப் பிரிவினருக்கு நிர்ணயித்திருக்கும் அதே வேளையில், அந்தந்த மாநிலங்களில் உள்ள இட ஒதுக்கீட்டுக் கொள்கை அடிப்படையில் மதிப் பெண்களை, வகுப்புவாரியாக நிர்ணயித்துக் கொள்ளலாம் என தெளிவாக சுட்டிக்காட்டப்பட்டிருக்கிறது.ஆனால் இந்த 60 சதவிகிதத்தை மட்டும் வைத்துவிட்டு, இடஒதுக்கீட்டுக்கு ஏற்ப வகுப்பு வாரியாக தனித்தனி தகுதி மதிப்பெண் நிர்ணயம் செய்யப் படவில்லை. அதாவது கல்வியில் இடஒதுக்கீடு என்னும் அரசியல் சாசன உரிமை அப்பட்டமாக ஒழித்துக் கட்டப்பட்டிருக்கிறது. 

எப்படி ஆசிரியர் தகுதி மதிப்பெண்னுக்கு இட ஒதுக்கீடு முறை பின்பற்றப்படவில்லையோ அதே போல் பணி நியமனத்திலும் இடஒதுக்கீடு வழங்கப்படவில்லை. எப்போதுமே பணி நியமனத்தின் போது வகுப்பு வாரியாக காலிப்பணியிட விபரங்களை கொண்டு முறையான அறிவிக்கை வெளியிட வேண்டும். அதன் பின்பு தான் பணியிடங்களை நிரப்ப வேண்டும்.

இந்தியாவிலேயே முதன் முறையாக இந்த சட்ட மீறல் தமிழகத்தில் நடைபெற்றிருக்கிறது. அப்படி ஒரு அறிவிக்கை ஆசிரியர் தேர்வு வாரியத்தில் வெளியிடப்படாமலேயே ஏறக்குறைய 19 ஆசிரியர் பணியிடங்கள் நிரப்பப்பட்டிருக்கின்றன. இது வெளியில் தெரியாமல் இருப்பதற்காக தகு தித் தேர்வையே போட்டித்தேர்வு என்பது போன்ற தோற்றம் ஏற்படுத்தப்பட்டுள்ளது. ஆந்திரா உள்ளிட்ட மற்ற மாநிலங்களில் வகுப்பு வாரியாக மதிப்பெண் நிர்ணயிக்கப்பட்டு கல்வி சான்றிதழ் வழங்கப்பட்டது. அதன் பின் னர் பணி நியமனத்திற்காக முறையாக அறிவிக்கை வெளியிடப்பட்டு, அதில் இடஒதுக்கீட்டைப் பின்பற்றியே பணி நியமனம் செய்யப்பட் டிருக்கிறது.

ஆக இந்த பணி நியமனம் முழுவதும் சமூக நீதிக்கு எதிராக மோசடியான முறையில் நிரப்பப்பட்டுள்ளது என்பது இதன் மூலம் தெளிவாகும். கல்வியிலும் இடஒதுக்கீடு, வேலை வாய்ப்பிலும் இடஒதுக்கீடு என்னும் அரசியல் சாசன உரிமையை முறையாக வழங்கிட வேண்டும். நடைபெற்றுள்ள முறைகேடுகளை முற்றி லும் களைந்து தமிழகத்திற்கு இதன் மூலம் களங்கத்தை ஏற்படுத்தியிருப்பவர்களுக்கு கடுமையான தண்டனை வழங்கிட வேண்டும். சமூக நீதியை தமிழகத்தில் முழுமையாக நிலைநாட்ட வேண்டும்.

நுழைவுத்தேர்வு யாருடைய நலனுக்காக?

நாடு முழுவதும் உள்ள மருத்துவக்கல்லூரி களில் மாணவர் சேர்க்கைக்கு இந்த ஆண்டு முதல் பொது நுழைவுத்தேர்வு நடத்த வேண்டும் என்று உச்சநீதிமன்றம் உத்தரவிட்டுள்ளது. தனியார் மற்றும் சிறுபான்மை நிறுவனங்களுக் கும் பொது நுழைவுத்தேர்வு மூலமே சேர்க்கை நடைபெற வேண்டும் என்று கூறப்பட்டுள்ளது.

இத்தகையதொரு உத்தரவை பிறப்பிப்பதற்கு முன்பு அனைத்து அம்சங்களையும் உச்சநீதி மன்றம் கருத்தில்கொண்டதா என்ற கேள்வி எழு கிறது. ஏனெனில் 2011-12ஆம் ஆண்டு முதல் மருத்துவப்படிப்புக்கு பொது நுழைவுத்தேர்வு நடத்தப்பட வேண்டும் என்ற அகில இந்திய மருத்துவக் கவுன்சிலின் அறிவிப்புக்கு மத்திய அரசு அனு மதி வழங்கவில்லை. இதுதொடர்பாக மாநிலங்களின் கருத்துக்களை கேட்டறிய வேண்டி யுள்ளது என்றும், பல்வேறு மாநிலங்கள் இதற்கு எதிர்ப்புத் தெரிவித்துள்ளது என்றும் மத்திய அரசு உச்சநீதிமன்றத்திலும் தெளிவுபடுத்தியுள்ளது.

இந்த வழக்கு மீதான விசாரணையின்போது தமிழக அரசுத்தரப்பில் ஆஜரான வழக்கறிஞர், தமிழகத்தில் மருத்துவம் மற்றும் பொறியியல் படிப்புக்கு நுழைவுத்தேர்வு ரத்து செய்யப்பட்டுள் ளதையும், அகில இந்திய அளவில் நுழைவுத் தேர்வு என்ற முடிவை செயல்படுத்த சென்னை உயர்நீதிமன்றம் தடை விதித்துள்ளதையும் சுட் டிக்காட்டியுள்ளார்.

அகில இந்திய மருத்துவக்கவுன்சிலின் முடி வுக்கு மத்திய சுகாதாரம் மற்றும் குடும்ப நலத் துறை அனுமதி வழங்கவில்லை என்று மத்திய அரசுத்தரப்பு வழக்கறிஞர் சுட்டிக்காட்டியுள்ளார்.

இந்த நிலையில்தான் மருத்துவக்கவுன்சில் உச்சநீதிமன்றத்தை நாடியது. உச்சநீதிமன்றம் கடந்த டிசம்பர் மாதம் பிறப்பித்த இடைக்கால உத்தரவில் பொது நுழைவுத்தேர்வுக்கு அனுமதி வழங்கியிருந்தது. இதுதொடர்பான விசாரணை முழுமையாக முடிவடையாத நிலையில் இந்த ஆண்டு முதலே பொது நுழைவுத்தேர்வு என்ற அறிவிப்பு உச்சநீதிமன்றத்தால் வெளியிடப்பட் டுள்ளது.

அகில இந்திய அளவில் பொது நுழைவுத் தேர்வு என்பது சமூக நீதி அடிப்படையிலான இடஒதுக் கீட்டுக்கு எதிரானதாகும். தமிழகத்தில் கிராமப் புற மாணவர்களுக்கு தனி இடஒதுக்கீடு வழங் கப்பட்டுள்ளது. பொது நுழைவுத்தேர்வு என்ற முடிவால் இந்த இடஒதுக்கீடும் அர்த்தமற்றதாகி விடும். மத்திய-மாநில அரசுகளின் கருத்து களுக்கு மாறாக மருத்துவக்கவுன்சில் உச்சநீதி மன்றத்தை அணுகுவதும், நுழைவுத்தேர்வுக்கு உச்சநீதிமன்றம் அனுமதி வழங்குவதும் தவ றான முன்னுதாரணமாகிவிடும்.

உலகமயமாக்கல் சூழலில் கல்வி முற்றிலும் வணிகமயமாக்கப்பட்டுள்ள பின்னணியில் உயர்கல்வித்துறையிலிருந்து தாழ்த்தப்பட்ட, பிற்படுத்தப்பட்ட, கிராமப்புற மாணவர்கள் உயர் கல்வி நிலையங்களை எட்டிப்பார்க்க முடியாத நிலை ஏற்பட்டுள்ளது. அகில இந்திய அளவில் பொது நுழைவுத்தேர்வு என்பது இதற்கு வலுச் சேர்ப்பதாகவே அமையும்.

அதே நேரத்தில், கல்வி வணிகமயமாக்கல் தொடர்பான வழக்குகளில் நீதித்துறை தனியா ருக்கு ஆதரவான தீர்ப்புகளை பொதுவாக வழங்கி வருகிறது என்பதையும் கருத்தில் கொள்ள வேண் டியுள்ளது. இந்த நிலையில் தமிழக அரசு விழிப் போடு செயல்பட்டு, உச்சநீதிமன்ற உத்தரவு என்ற பெயரால் வரும் ஆபத்தை தடுத்து நிறுத்தி, சமூக நீதி மற்றும் கிராமப்புற மாணவர்களின் நலனைப் பாதுகாப்பது அவசியமாகும்.

காகிதப்பூ மணக்காது, கலைஞரே!

சட்டங்களை கொண்டு வருவதற்காக மட்டுமல்ல, அதனை நிறைவேற்றுவதற்காகவும் தொடர்ந்து போராடியாக வேண்டும். ஏனெனில் சட்டத்தின் நோக்கத்தை உளப்பூர்வமாக ஏற்காத அதிகார வர்க்க நந்திகள் மேலிருந்து கீழ் வரை ஏராளம் உண்டு.