முடியல...! உங்களால் முடிந்தால் சொல்லுங்களேன்!

படிக்கும்போதே சிலரது பேச்சுக்கள் வாய்விட்டு சிரிக்க வைக்கும். ஆனால் அவர்கள் பெரும் தலைவர்களாக இருப்பார்கள். அவர்கள் பேச்சுக்களை நாடே கவனிக்கும். இதுதான் விந்தை.


இங்கே சிலரது சமீபத்திய பேச்சுக்களை கேளுங்களேன்.  “முடியல...” என்று வடிவேலுவின் தொனியில்தான் சொல்ல முடிகிறது.

• "ஏழையாகப் பிறந்தேன், ஏழைகளுக்காக ஆட்சி நடத்துகிறேன்!” - இளைஞன் படவிழா படத்தின் பாடல்கள் வெளியீட்டு விழாவில் தமிழக முதலமைச்சர் கருணாநிதி.

• “என் அறுபது ஆண்டுகால அரசியல் வாழ்க்கையில் இது போன்று எதிர்ப்புகளைச் சந்தித்த வேறொருவரை பார்த்ததில்லை!”  - மோடியைப் புகழந்து பேசியவர் அத்வானி.

• “தகவல் தொலை தொடர்புத் துறையில் நான் புரட்சியை ஏற்படுத்தினேன்” ராஜினாமா செய்த மத்திய அமைச்சர் ஆ.ராசா.

• “அமெரிக்கா குறித்த விக்கிலீக்ஸ் ஆவணங்கள் அபாயகரமானவை!” - ஜார்ஜ் புஷ்.

• “தற்போது மாநிலத்தில் காங்கிரஸ் கட்சியின் நிலைமை நல்லபடியாக இருப்பதில் மகிழ்ச்சி”  - பதவி விலகிய ஆந்திர முதலமைச்சர் ரோசையா.

• “பிகார் தேர்தலில் காங்கிரசுக்கு ஏற்பட்ட தோல்வியால் விரக்தி அடையவில்லை” - ராகுல் காந்தி

• “என் மீதுள்ள குற்றச்சாட்டுகளை விசாரிக்க நீதி விசாரணைக்கு உத்தரவிட்டுள்ளேன்” - கர்நாடக முதல்வர் எடியூரப்பா.

• “நான் வெறும் நடிகன் மட்டும்தான். மனசு மட்டும்தான் வேலை செய்யும். மூளைக்குப் பெருசா வேலையில்லை. அவருக்கு இரண்டுமே வேலை செய்யும்”  -முதலமைச்சர் கருணாநிதி பற்றி நடிகர் ரஜினிகாந்த்.

இதில் யார் அதிக சிரிப்பை உங்களுக்கு வரவழைத்தது? முடிந்தால் சொல்லுங்களேன்.