கூட்டுறவுத் தேர்தல் எனும் கேலிக் கூத்து!

தமிழ்நாட்டில் கூட்டுறவுத் தேர்தல்(?) முதல் கட்டம் ஏப்ரல் 5ம் தேதி நடந்து முடிந்துள்ளது. இரண்டாவது கட்டம் 12ம் தேதி நடைபெற உள்ளது. மொத்தம் 22,532 கூட்டுறவு சங்கங்களுக்கு நான்கு கட்டங் களாக தேர்தல் நடைபெற அறிவிப்பு வெளி யிடப்பட்டது. முதற்கட்டத்தில் 5499 சங்கங்களுக்கு தேர்தல் நடைபெற்றிருக்க வேண்டும். ஆனால் 4735 சங்கங்களுக்கு தேர்தலே நடைபெறாமல் போட்டியின்றி தேர்ந்தெடுக்கப்பட்டதாக அறிவிக்கப் பட்டது.

தேர்தல் நடைபெற்ற 410 சங்கங் களில் வாக்களிக்க விடாமல் தடுத்தது, வாக்குப் பெட்டிகளில் மை ஊற்றியது, கள்ள ஓட்டு என பல்வேறு முறைகேடு கள் நடைபெற்றுள்ளன. இரண்டாம் கட்ட மாக 5269 சங்கங்களுக்கு தேர்தல் நடை பெறவேண்டும். ஆனால், 4575 சங்கங் களுக்கு தேர்தலே நடைபெறாமல் போட்டி யின்றி இயக்குநர்கள் தேர்ந்தெடுக்கப் பட்டதாக அறிவிக்கப்பட்டுள்ளது. 283 சங் கங்களுக்கு மட்டுமே தேர்தல் நடைபெற உள்ளது. இந்த அடிப்படையில் பார்த்தால் 22532 சங்கங்களில் சுமார் 1000 சங்கங் களுக்கு மட்டுமே தேர்தல் நடைபெறும் போலும். 

இந்த நிலை எப்படி ஏற்பட்டது? இதற்கு யார் காரணம்? தமிழ்நாட்டில் உள்ளவர்களெல்லாம் தேர்தலில் போட்டி யிடுவது இல்லை என்று முடிவெடுத்து விட்டார்களா? பதவி எனும் ஆசையை துறந்துவிட்டார்களா?கடந்த திமுக ஆட்சிக் காலத்தில் கூட்டுறவுத் தேர்தலில் மோசடி, அதிகாரி களின் அத்துமீறல் போன்ற காரணத்தால் தான், நடத்தப்பட்ட தேர்தலே செல்லாது என்ற நிலை உருவானது. ஆகவே தான் கூட்டுறவுத் தேர்தலை நடத்துவதற் கென்ற தனி தேர்தல் ஆணையத்தை உரு வாக்க வேண்டுமென முற்போக்கு இயக்கங்கள் குரலெலுப்பினர்.

ஆனால் அந்த ஆணையத்தால் எந்த பிரயோஜனமும் இல்லை என்பதுதான் அனுபவத்தில் தெரிகிறது. அரசியலமைப்பு அதிகாரம் கொண்ட தேர்தல் ஆணையம் உயிரும், உணர்ச்சியுமற்ற ஒரு பொம்மை யைப்போல் அசையாமல் இருக்கிறது.கூட்டுறவுத் தேர்தலில் இதுவரை இல்லாத பல புதிய தந்திரங்களை மேற் கொண்டு, ஆளும் அதிமுகவைச் சார்ந்த வர்கள் மட்டுமே மொத்தப் பொறுப்புக் களையும் கைப்பற்றிக்கொள்வது, அதற் குரிய முறையில் அனைத்துவிதமான அடாவடித்தனத்திலும் அமைச்சர்கள் முதல் அதிமுக கிளைச் செயலாளர்கள் வரை ஈடுபட்டுள்ளனர். 

மோசடிகளில் இத்தனை விதங்களா என வியக்க வைக்கும் இவர்களின் நடவடிக்கை களைப் பாருங்கள்!தேர்தல் அதிகாரிகள், அதிமுகவைச் சார்ந்தவர்களைத் தவிர மற்றவர்களுக்கு வேட்பு மனுவை வழங்கமறுப்பது, வற்புறுத்தி அல்லது போராடி வேட்பு மனுவை பெற்று, மனுவை தாக்கல் செய்தால், வேட்பு மனுவை பெற்றுக்கொண்டதற் கான ரசீது வழங்க மறுப்பது, ஒரு சில இடங்களில் ரசீது வழங்கினாலும் வேட் பாளர் பட்டியல் ஒட்டும்போது ஆளும் கட் சியைச் சேர்ந்தவர்களின் பெயர்களை மட் டும் ஒட்டுவது, மீறி ஒட்டினால் ஆளுங் கட்சியை சார்ந்தவர்கள் ஒட்டப்பட்ட போட்டி வேட்பாளர் பட்டியலை கிழித் தெறிவது, வேட்பு மனு வழங்கவே அதி காரிகள் வராமல் இருப்பது, அதிமுகவி னருக்கு மட்டும் வேறு இடத்தில் வேட்பு மனு வழங்குவது, வேட்பு மனுவை பெற்றுக் கொண்டு ரசீது வழங்காமல் கழிவறைக் குச் சென்று வருவதாகக் கூறி காணாமல் போவது,

சில சங்கங்களில் உள்ள வாக் காளர் எண்ணிக்கையைவிட ஆளுங்கட் சியினர் ஏற்பாட்டில் வேட்புமனு தாக்கல் செய்ய வரிசையில் நிற்பவர்களின் எண் ணிக்கையை அதிகமாக நிற்க வைத்து, மற்றவர்கள் வேட்புமனுவை தாக்கல் செய்யவிடாமல் தந்திரமாக தடுப்பது, இவ் வளவையும் மீறி தேர்தலில் நின்றால் தாக்கி காயம் ஏற்படுத்தி மருத்துவமனை யில் படுக்க வைத்துவிடுவது என “கூட் டுறவு தேர்தலில் புதிய பார்முலா” வை அதிமுக உருவாக்கி உலகுக்கே வழி காட்டியிருக்கிறது. ஆனால் அதிகாரிகள் முறைகேடாக நடந்துகொள்வது, அதிமுக வினரின் அத்துமீறல், அடாவடித்தனத் திற்கும் அரசுக்கும் சம்பந்தமில்லை என அமைச்சர்கள் சொல்கிறார்கள். நம்பி னால் நம்புங்கள், நம்பாவிட்டால் உங்கள் பாடு!இப்படி சகலவிதமான தகிடுதத்தங் களிலும் ஈடுபட்டு ஆளுங்கட்சியினர் கூட்டுறவு அமைப்புகளை கைப்பற்றுவது எதற்காக? எப்படியாவது மக்களுக்கு சேவை செய்தே தீரவேண்டும்” என்ற தீராத தாகத்தாலா? இல்லை! ஏற்கெ னவே, சட்டமன்றம், உள்ளாட்சி மற்றும் கட்சி பொறுப்புகளில் இருப்பவர்கள் ஆளுங்கட்சி என்ற அதிகாரத்தை பயன் படுத்தி கோடி கோடியாய் கொள்ளை யடித்துக் கொண்டிருக்கிறார்கள்.

வாய்ப் புக் கிடைக்காதவர்கள் வயிறெரிந்து கொண்டிருக்கிறார்கள். எரியிற வயிறை அணைக்க வந்த மாமருந்துதான் கூட்டு றவுத் தேர்தல் என உற்சாகமாக கிளம்பி யிருக்கிறார்கள் என்பதே உண்மை!கூட்டுறவில் தேர்ந்தெடுக்கப்பட்ட அமைப்பு 2001ம் ஆண்டு கலைக்கப்பட்டு விட்டது. கடந்த 13 ஆண்டுகாலமாக அதி காரிகளின் கொள்ளைக்களமாக கூட் டுறவு அமைப்பு இருந்து வந்துள்ளது. அதி லிருந்து கூட்டுறவை மீட்க தேர்ந்தெடுக் கப்பட்ட மக்கள் பிரதிநிதிகளிடம் பொறுப் புகள் மாற்றப்படுவது அவசியம் என்ற அடிப்படையிலேயே தேர்தலை அனை வரும் வரவேற்றனர். ஆனால் ஆளுங்கட் சியினர் நடத்துகிற கூத்துக்களையெல் லாம் பார்த்தால், ஏன் இந்த தேர்தல் வந்தது என நொந்துகொள்ளும் நிலைக்கு மக்கள் தள்ளப்பட்டுள்ளனர்.

கூட்டுறவே நாட்டுயர்வு என்பதற்கு பதிலாக, கூட்டுறவே ஆளுங்கட்சி யினரின் உயர்வுக்குத்தான் என ஆகி விடும் போலும்! இதை எப்படித் தடுப்பது என்பது மில்லியன் டாலர் கேள்வியாக இருக்கிறது.திமுக தலைமை, “எனக்கு அப்பவே தெரியும். அதனால்தான் நாங்கள் தேர்த லிலிருந்து ஒதுங்கிக்கொண்டோம்” என்று பெருமையடித்துக்கொண்டிருக்கிறது. பிர தானமான பெரிய எதிர்க்கட்சி ஜனநாய கத்தைக் காப்பாற்றும் லட்சணம் இது தானா? போட்டியிடாமல் ஒதுங்கிக்கொள் வதன் மூலம் எந்த விதத்தில் கூட்டுறவு அமைப்பைப் பாதுகாக்க திமுக உதவப் போகிறது. என்ன அக்கிரமம் நடந்தாலும் வேடிக்கை பார்ப்போம் என்பது ஒரு கட்சிக்கு அழகா? ஒரு வேளை தங் களுக்கு அந்த யோக்யதை இல்லை என்று ஒதுங்கிக்கொண்டதா திமுக? தேமுதிக, காங்கிரஸ் போன்ற கட்சிகள் இப்படி ஒன்று நடந்துகொண்டிருக்கிறதா என ஆச்சரியமாக கேட்கும் வகையில் தான் மௌனமாக வேடிக்கை பார்த்துக் கொண்டிருக்கின்றன. 

இதற்கு மாறாக, இடதுசாரிக் கட்சிகள் மட்டுமே தங்களின் சக்திக்கேற்ப மல்லுக்கட்டிக்கொண் டிருக்கின்றன. சாலை மறியல், ஆர்ப் பாட்டம், கூட்டுறவு சங்கங்கள் முற்றுகை, அதிகாரிகளை கெரோ செய்வது என வந்துகொண்டிருக்கும் செய்திகள் எல் லாம் இடதுசாரிக் கட்சியினர் நடத்தும் போராட்டங்களே!இது ஒருபுறமிருக்க, சின்னஞ்சிறிய குற்றச்சாட்டுகளுக்கெல்லாம் கொதித் தெழுந்து பதில் சொல்லும் முதலமைச் சர், கூட்டுறவுத் தேர்தல் மோசடி சம் பந்தமாக இவ்வளவு குற்றச்சாட்டுகள் வெளிவந்த பிறகும் மவுனமாக இருப்பது ஏன்? முதல்வரின் ஆசியில்லாமல் ஆளுங்கட்சிக்காரர்களால் இதுபோன்ற செகளில் ஈடுபட முடியுமா? அதிகாரிகள் அனைவருமே ஆளுங்கட்சியினர்க்கு ஒத் துழைப்பார்களா? முதலமைச்சர் நினைத் தால் தன்னுடைய கட்சிக்காரர்களை தடுத்து நிறுத்த முடியாதா? அல்லது அதிமுக காரர்களெல்லாம் தலைமைக் குக் கட்டுப்படாதவர்களாக மாறிவிட்டார் கள் என்று எடுத்துக்கொள்வதா? ஆனா லும், சொல்லுகிறோம், அரசுக்கும், தேர் தலுக்கும் சம்பந்தமில்லை நம்புங்கள்.

இந்த அக்கிரமத்திற்கு முடிவு கட்ட வேண்டுமென்றால், மக்கள், கூட்டுறவு நமக்கான அமைப்பு; அதை கொள்ளை யடிக்க அனுமதிக்க மாட்டோம் என்ற முறை யில் அணிதிரள வேண்டும். மோசடியாக நடைபெற்றுள்ள கூட்டுறவுத் தேர்தல்கள் ரத்து செய்யப்பட வேண்டும். நேர்மை யான, முதுகெலும்புள்ள தேர்தல் ஆணை யத்தின் மேற்பார்வையில் தேர் தல் நடை பெறுவதை உறுதிப்படுத்த வேண்டும்.

-பெ.சண்முகம்