பெண்கள் மௌனமாகவும் தோல்வியுற்றவர்களாகவும் இருக்க வேண்டிய அவசியமில்லை

துன்புறுத்தலுக்கு எல்லைகள் கிடையாது

இந்தியாவில் தற்போது பணியிடத்தில் பெண்கள்

மீதான பாலியல் துன்புறுத்தலை கையாள சட்டமியற்றப்பட்டுள்ள நிலையில், புகார் அளிக்கும் பெண்களுக்கு உண்மையில் நீதி கிடைக்குமா?திறமையாகப் பயன்படுத்திடக் கூடிய வகையிலான அதிகாரத்தை வழக்கறிஞர்க ளாக உள்ள பெண்கள் பெற்றிருக்கின்ற கார ணத்தினால், எத்தகைய பாலியல் துன்புறுத் தலையும் அவர்கள் எதிர்கொள்ள வேண்டி யிருக்காது என நீங்கள் எண்ணுகிறீர்களா? அப்படியானால், மீண்டும் ஒருமுறை இது குறித்து சிந்தித்துப் பாருங்கள். 1997-ல் உச்ச நீதிமன்றம் அளித்த வழிகாட்டுதல்களின் அடிப்படையில் தற்போது பிறப்பிக்கப்பட் டுள்ள சட்டமானது நீதிமன்றங்களுக்கும் பொருந்தக் கூடிய ஒன்றாகும் என்பதை உச்ச நீதிமன்றத்தினை ஏற்றுக் கொள்ளச் செய்திட மிகப் பிரபலமான பெண் வழக்கறிஞர்களை - கூடுதல் சாலிசிடர் ஜெனரல் இந்திரா ஜெய்சிங், காமினி ஜெய்ஸ்வால், இந்து மல் கோத்ரா, மீனாட்சி அரோரா, வி. மோகனா மற் றும் இதர சிலரையும் - உள்ளடக்கிய வலு வான பிரதிநிதிகள் குழு சென்றுள்ளது.

நெடுங்காலத்திற்கு முன்பு விசாகா வழக்கில் உச்சநீதிமன்றத்தினால் வழிகாட்டுதல் அளிக்கப்பட்டபோதும், பாலியல் துன்புறுத் தல்களை பெண் வழக்கறிஞர்கள் எதிர்கொள்வது என்பது உண்மையாக உள்ள நிலையில், அவர்களது பணியிடமான நீதிமன்றத்திற்கும் இச்சட்டம் பொருந்த வேண்டும் என அவர் கள் நீதிமன்றத்தினை ஏற்றுக் கொள்ளச் செய்ய வேண்டியிருப்பது அதிர்ச்சியளிக்கக் கூடிய ஒன்றாக இருக்கிறது. பணியிடத்தில் பாலியல் துன்புறுத்தல் (தடுப்பது, தடைசெய் வது மற்றும் தீர்வளிப்பது) சட்டம் - 2012ஐ இந்த ஆண்டு பிப்ரவரி மாதம் 26ம் தேதியன்று மாநிலங்களவையால் நிறைவேற்றப்பட்டது. இந்த சட்டம் நிறைவேற்றப்படும் வரையிலான காலத்தில் நடைமுறையில் உச்சநீதிமன்ற வழிகாட்டுதல்களே சட்டமாக இருந்து வந்தது.

  2012 செப்டம்பர் 3ம் தேதியே எவ்வித விவாதத்தினையும் நடத்திடாமல் மக்களவை இச்சட்டத்தினை நிறைவேற்றியது. ஏனெனில், அப்போது நமது நாடாளுமன்ற உறுப்பினர்கள் பல லட்சம் பெண்களை பாதிக்கக் கூடிய ஒரு விஷயத்தைப் பற்றி விவாதிப்பதனை விட நிலக்கரி ஊழல் குறித்து விவாதிப்பதிலேயே ஆர்வத்துடன் இருந்தனர். 

சமீபத்தில் இந்திய குற்றவியல் சட்டம் (திருத்தம்) 2013 தொடர்பாக நாடாளுமன்றத்தின் இரு அவைகளிலும் நடைபெற்ற விவாதங்களின் தொனியைப் பார்க்கும்போது, எவ்வித விவாதத்தினையும் நடத்தாது சட்டத் தினை அன்று அவர்கள் நிறைவேற்றியதற்கு நாம் ஒரு விதத்தில் அவர்களுக்கு நன்றி கூறிட வேண்டும். இரு அவைகளிலும் நடைபெற்ற விவாதமானது, நமது ஆண் நாடாளுமன்ற உறுப்பினர்களின் மனதில் பெண்களுக்கு எதிரான கருத்துக்கள் எவ்வாறு ஆழமாக வேரூன்றி இருக்கிறது என்பதனையும், அதே போல எத்தகைய பழமைவாத கருத்துக்களுடன் நமது பெண் நாடாளுமன்ற உறுப்பினர்கள் உள்ளனர் என்பதனையும் வெட்ட வெளிச்சமாக்கியது.

இச்சட்டத்தினால் மட்டும் பெண்கள் மீதான பாலியல் துன்புறுத்தல்களை உண் மையில் தடுத்திட முடியுமா? மௌனமாக இத்தகைய துன்புறுத்தல்களை சகித்துக் கொண்டு வரும் பெண்களுக்கு புகார் அளிப் பதற்கான துணிவு ஏற்படுமா? பொதுவாக இதுபோன்ற புகார்களில் நிர்வாகமானது அளித்த புகார் குறித்து விசாரித்திடுவதற்குப் பதிலாக புகார் அளித்த பெண்ணை பணி நீக்கம் செய்வதே பெரும்பாலும் நடைபெறு கிறது. இத்தகைய நடைமுறையின்றி, புகார் அளிக்கும் பெண்ணுக்கு உண்மையிலேயே நீதி கிடைத்திட வாய்ப்பிருக்கிறதா? என்ற கேள்விகளெல்லாம் எழுகின்றன.தற்போது இது தொடர்பாக நிறைவேற் றப்பட்டுள்ள சட்டமானது பயனளிக்கக் கூடும். ஏனெனில், பாலியல் துன்புறுத்தல் என்பதனை இச்சட்டம் தெளிவாக வரை யறுத்துள்ளது. இது அணிதிரட்டப்பட்ட மற்றும் அணிதிரட்டப்படாத துறைகளில் பணியாற்றும் பெண்களுக்கு மட்டுமின்றி, இதற்கு முன்பு விடுபட்டிருந்த வீட்டு வேலை செய்யும் பெண்களுக்கும் இச்சட்டம் பாதுகாப் பளிக்கிறது. 

இச்சட்டத்தின்படி 10-க்கும் மேற்பட்டவர்களை பணியிலமர்த்தியுள்ள நிறுவனங்கள் எல்லாம் புகார் கமிட்டியை அமைத்திட வேண்டும். இத்தகைய கமிட்டி அமைக்கப்படவில்லை எனில் ரூ.5 அபராதம் இச்சட்டத்தின் கீழ் விதிக்கப்படும். இத் தகைய கமிட்டியை அமைப்பதில் காலதாமதம் ஏற்பட்டால் அதற்காக அந்நிறுவனத்தின் உரிமம் ரத்து செய்யப்படக் கூடும். இந்த சட்டமானது ஊழியர்களுக்கு மட்டும் பொருந்தக் கூடியதல்ல. வாடிக்கையாளர், பயிற்சியாளர் மற்றும் தினக்கூலி பெறும் தொழிலாளர் ஆகியோருக்கும் பொருந்தக் கூடிய ஒன்றாகும். தனியார் நிறுவனங்கள், டிரஸ்டுகள், கல்வி நிறுவனங்கள், சொசைட்டிகள், அரசு சாரா நிறுவனங்கள் மற்றும் சேவை அளிப்போர் ஆகியோருக்கு இச்சட்டம் பொருந்தும் என்பனவற்றையெல்லாம் பார்க்கும் போது, இச்சட்டம் முழுமையான ஒன்றாகவே தோன்றுகிறது.பணியிடத்தில் சமமாக நடத்தப்படுவதற் கான உரிமை பெண்களுக்கு உள்ளது என் பதனை இச்சட்டம் அங்கீகரிக்கிறது. அது மட்டுமின்றி, பணியிடத்தில் பாலியல் துன்புறுத்தல் என்பது பெண்ணின் மீது தொடுக்கப்படும் உடல்ரீதியான மற்றும் உளரீதியிலான தாக்குதல் என்பதுடன், சமத்துவத்திற்கான அவர்களது உரிமையை மறுக்கும் நடவடிக்கையுமாகும் என்பதனை இச்சட்டம் அங்கீகரித்திருப்பது மிக முக்கியமான அம்சமாகும். 

இருப்பினும், இதில் கவலையளிக்கக் கூடிய சில குறைபாடுகளும் உள்ளன. மாதர் அமைப்புகளால் வலுவான வாதங்கள் முன்வைக்கப்பட்டபோதும், அளிக்கப்பட்ட புகார் பொய் எனில் புகார் கொடுத்தவர் தண்டிக்கப்பட இச்சட்டம் வழிவகை செய்துள்ளது. இதன்படி, புகார் கொடுத்த பெண்ணால் அவள் பாலியல் துன் புறுத்தலுக்கு ஆளாக்கப்பட்டதனை நிரூபித் திட இயலவில்லை எனில், அவளுக்கு தண்டனை அளிக்கப்படும். பாலியல் துன்புறுத் தலை நிரூபிப்பது என்பது உடல் ரீதியான தாக்குதலைவிட மிகச் சிரமமான ஒன்றாகும். இந்நிலையில், பாதிப்பிற்கு ஆளாகும் பெண்கள் மனதில் அச்ச உணர்வை ஏற்படுத்தி புகார் அளிக்க அவர்கள் முன் வருவதனையே தடுத்துவிடும். ஒருங்கிணைந்த குழந்தைகள் மேம்பாட்டுத் திட்டத்தின் கீழ் பணிபுரியும் அங்கன்வாடி பணியாளர்கள், கிராமப்புற சுகாதார பணியாளர்களான ஆஷாக்கள், மதிய உணவுத் திட்டத்தின் கீழ் உணவு சமைத்திட பணியிலமர்த்தப்படும் ஊழியர்கள் போன்ற திட்டப் பணியாளர்களுக்கு இச்சட்டம் பொருந்தாது. ஏன் இவர்களுக்கு இச்சட்டம் பொருந்தாது? குழந்தைத் திருமண நடைமுறையை எதிர்த்து வீரஞ்செறிந்த போராட்டத்தை நடத்திய திட்டப் பணியாளரான பன்வாரி தேவி கூட்டுப் பலாத்காரம் செய்யப்பட்டது தொடர்பான வழக்கே இத்தகைய சட்டத்திற்கு தூண்டுதலாக இருந்தது என்பதனை இச்சட்டத்தினை இயற்றியவர்கள் மறந்துவிட்டனரா? பன்வா தேவி போன்ற பெண்களுக்கு அளிக்கப்படும் பாது காப்பு கூடுதலாக்கப்பட வேண்டுமே ஒழிய, குறைக்கப்படக் கூடாது. ராணுவத்தில் பணியிலமர்த்தப்பட்டுள்ள பெண்களுக்கும் இச்சட்டம் பொருந்தாது. தற்போதிருப்பதை விட கடுமையான ஒன்றாக இச்சட்டம் நிறை வேற்றப்பட்டிருந்தாலும் கூட, அது உண்மையிலேயே பெண்களுக்கு ஆதரவாகச் செயல் படும் என எவரேனும் உத்தரவாதம் அளித் திட முடியுமா? இச்சட்டம் நிறைவேற்றப்பட்டது குறித்த செய்தி சில நாளிதழ்களின் இணையதள பதிப்பில் வெளிவந்தபோது, அது குறித்து சில வாசகர்கள் வெளியிட்ட கருத்துக்கள் அதிர்ச்சி அளிப்பதாக இருக்கிறது. ஆண்கள் உரிமைகள் இயக்கத்தைச் சார்ந்தவராக தன்னை அடையாளப்படுத்திக் கொண்ட அபினவ் என்பவர், ஒரு நடுத்தர அளவிலான நிறுவனத்தின் உரிமையாளர் என்ற முறையில், தன்னால் இத்தகைய தொரு கூடுதல் சுமையை ஏற்க முடியாது.

எனவே, தனது நிறுவனத்தில் பணியாற்றி வரும் அனைத்து பெண் ஊழியர்களையும் பணி நீக்கம் செய்திட தான் திட்டமிட்டு வரு வதாகவும் கருத்து வெளியிட்டிருந்தார் (டிஎன்ஏ, 27 பிப்ரவரி, இணையதள பதிப்பு).சொல்லப் போனால், இச்சட்டமானது பெண்களுக்கு பாதுகாப்பு அளிப்பதற்கு பதிலாக, சிறு நிறுவனங்களில் பணியாற்றும் பெண்களுக்கு பாதிப்பு ஏற்படுத்திடக் கூடும். பணியிடத்தில் பாலியல் துன்புறுத்தல்க ளுக்கு எதிரான சட்டம் மட்டுமின்றி, தொழி லாளியாக பெண்ணின் உரிமைகளை நிலை நிறுத்தும் சட்டங்களும் அவர்களை கட்டுப் படுத்தும் என்பதால் மேற்கூறப்பட்ட அபினவ் போன்ற எண்ணம் கொண்டோர் பெண் களை பணியிலமர்த்திட மறுக்கக் கூடும். இவற்றையெல்லாம் தாண்டி பணியிடத்தில் புகார் குழு அமைக்கப்பட்டாலும், புகாரை நிரூ பிப்பதற்கான நடைமுறையும், அவ்வாறு நிரூ பிக்கப்பட முடியாதபோது அளிக்கப்படும் தண்டனையும் பாதிப்பிற்கு ஆளாகும் பெண்கள் புகார் அளித்திட முன்வருவதனை தடுத்துவிடும். 

இன்னும் குறிப்பாகச் சொல்லப் போனால், சிறு நிறுவனங்களில் அல்லது ஒப்பந்த முறையில் பெண்கள் பணியமர்த்தப் படும் இடங்களில், அவர்கள் புகார் கொடுத்த உடனே அவர்களது முதலாளிகளால் அவர்கள் பணிநீக்கம் செய்யப்படுவதனை தடுத்திட இச்சட்டத்தில் வழிவகை எதுவும் இல்லை.இவையெல்லாம் இருந்தபோதும் கூட, நடைமுறையில் அனைத்துப் பெண்களும், அவர்கள் பாலியல் துன்புறுத்தலை எதிர் கொண்டிருந்தாலும் இல்லாவிட்டாலும் ஒரு நடவடிக்கையை மேற்கொண்டிடலாம். அவர்கள் பணிபுரியும் பணியிடங்களில் இத்தகைய புகார் கமிட்டிகள் கட்டாயமாக உரு வாக்கப்படுவதனை உறுதி செய்வதே அந்த நடவடிக்கையாகும். இத்தகைய கமிட்டி உருவாக்கப்படவில்லை எனில் அதற்கு தண்டனை அளித்திட இச்சட்டத்தில் தற்போது வழிவகை செய்யப்பட்டுள்ளது. பணியிடங்களில் இதுபோன்ற கமிட்டிகள் அமைக்கப் படுவதற்காக அதிக எண்ணிக்கையிலான பெண்கள் போராடினார்கள் எனில், இத்தகைய கமிட்டிகளால் விசாரிக்கப்படும் புகார் களின் எண்ணிக்கை அதிகரிக்கும். அவ்வாறு அதிக எண்ணிக்கையிலான புகார்கள் விசாரிக்கப்படும்போது, ஒரு புகாரில் கிடைக் கும் வெற்றியானது இதர பெண்களுக்கு நீதி கேட்டு போராடுவதற்கான உத்வேகத்தினை அளித்திடும்.ஒரு சில சம்பவங்களில் சட்டமானது பயனளிக்காமல் போனாலும், அதற்காகப் பெண் கள் மௌனமாகவும் தோல்வியுற்றவர்களாக வும் இருக்க வேண்டிய அவசியமில்லை.

கல்பனா சர்மா

தமிழாக்கம் : எம்.கிரிஜாநன்றி : ‘தி இந்து’

நாம் அறியாத அயர்வறியாப் போராளி அம்பேத்கர்

இந்தியாவில் சாதியக் கொடுமைகளுக்கு எதிராகப் போராடிய பலருக்கு முன்னோடி என்று அம்பேத்கரைச் சொல்லலாம். அம்பேத்கர் அறிவின் மீது கொண்டிருந்த தாகம் ஈடிணையற்றதாகும். வரலாறு, பொருளாதாரம், அரசியல், சட் டம் என அனைத்துத் துறைகளிலும் தன்னிகரற்று விளங்கினார். 

மூன்று புகழ்பெற்ற ஆங்கிலம் மற்றும் அமெரிக்கப் பல்கலைக் கழகங்களின் மிக மிக உயர்ந்த பட்டங்களை அவர் பெற்றுள்ளார்.

புத்தகங்கள் படிப்பதில் பேரார்வம் கொண்டிருந்தார். ஏழு மொழிகள் தெரிந்து வைத்திருந்தார்.

அம்பேத்கர் மனித உரிமைகளுக்கான போராளி.

அவரைப் பொறுத்த வரை மனிதனின் உண்மையான விடுதலை என்பது அரசியல் விடுதலையில் மட்டும் அடங்கி இருக்கவில்லை. அது சமூக, பொருளாதார, பண்பாட்டு விடுதலையிலும் அடங்கியிருக்கிறது. 

அவரைப் பொறுத்தவரை அரசு என்பது மனித முன்னேற்றத்தை மேலும் ஒரு நிலைக்கு மேம்படுத்த உதவு வதற்கான ஒரு காரணி மட்டுமே. ஒரு நல்ல அரசு என்பது ஓரினம், மற்றோர் இனத்திற்கு எதிராகத் தாக்குதல் தொடுத்தால் அதனைத் தடுத்து நிறுத்தி பாதுகாப்பு அளிப்பதை உத்தர வாதப்படுத்துவதேயாகும்.

அம்பேத்கர் ஒரு மிகச்சிறந்த பொருளாதாரவாதியாவார்.

அம்பேத்கர், நிலச்சீர்திருத்தம், விவசாயம் மற்றும் தொழில்மய நடவடிக்கைகள் எப்படிப்பட்டதாக இருக்கவேண்டும் என்பவைகள் குறித்து தம் கருத்துக் களை வெளிப்படுத்தி இருக்கிறார். தீண்டத்தகாதோரில் பெரும்பகுதி யினர் நிலமற்றவர்களாக அல்லது சிறு, குறு விவசாயிகளாக இருக்கிறார்கள். இவர்களை மேலே தூக்கிவிட வேண்டும் என்பதே அவரது குறிக்கோளாக இருந்தது. தீண்டாமைக்கு ஆளாகியுள்ள நிலமற்ற விவசாயிகளின் பிரச்ச னைக்கான தீர்வு என்பது இந்திய விவசாயப் பிரச்சனைக்குத் தீர்வு காணப் படுவதை இன்னும் விரிவாகக் கூற வேண்டுமானால் நாட்டின் பொருளா தாரப் பிரச்சனைகளுக்குத் தீர்வு காணப்படுவதைச் சார்ந்தே இருக் கிறது என்பதை அவர் உணர்ந்தார். அம்பேத்கரின் கூற்றுப்படி, இந்தியாவின் பிற்பட்ட பொருளாதார நிலைக்கு அடிப்படைக் காரணம், நில உறவு முறைகளில் மாற்றத்தை ஏற்படுத்துவதில் தாமதம் செய்வதே என்பதாகும். இதற்கு உண்மையான தீர்வு, பொருளாதாரக் கட்டமைப்பு, உற்பத்தித் திறன் மற்றும் கிராமப்பொருளா தாரத்தை முற்றிலுமாக மாற்றியமைத் தல் ஆகியவற்றை உள்ளடக்கிய ஜன நாயகக் கூட்டாட்சி முறையை செயல் படுத்துவதேயாகும். பொருளாதாரச் சுரண்டலையும், சமூக அநீதியையும் முற்றிலுமாக ஒழித்துக் கட்டுவதை அது குறிக்கோளாகக் கொண்டிருக்க வேண்டும்.

 இந்து மதத்தில் உள்ள சாஸ்திரங் கள் அனைத்தும் அநேகமாக பிராம ணர்களின் உருவாக்கமே என்று அம் பேத்கர் குறிப்பிட்டார். பிராமணர்களது குறிக்கோள் தங்கள் உயர்சாதித் தன் மையையும், உரிமைகளையும் என் றென்றைக்கும் தக்க வைத்துக் கொள் வது என்பதேயாகும்.

சாஸ்திரங்கள் அனைத்தையும் சட்டரீதியாகத் தடை செய்திட வேண்டும் என்று அவர் உறுதியான கருத்தைக் கொண்டிருந் தார். புராணங்கள் மற்றும் சாஸ்திரங் களைப் பொறுத்தவரை, பிராமணர்கள், நாட்டில் பெரும்பான்மையாக உள்ள ஏழைகளையும், எழுத்தறிவற்றவர் களையும், மூடநம்பிக்கையில் ஆழ்ந்து கிடக்கும் இந்துக்களையும் முட்டாள் களாகவே வைத்திருக்கவும், வசியப் படுத்தவும், ஏமாற்றி மோசடி செய்தி டவும் ஏற்படுத்தப்பட்டவை என்று அம்பேத்கர் கருதினார்.

 சுதந்திர இந்தியாவின் அரசிய லமைப்புச் சட்டத்தை உருவாக்கு வதில் அம்பேத்கர் ஆற்றிய கடின மான பணி மிகவும் போற்றுதலுக் குரியது. குறிப்பாக அவரது சட்ட நுணுக்கம், சோர்வில்லாத செயல் பாடு, அளப்பரிய திறமை, உருக்கு போன்ற உறுதியுடன் அரசியலமைப் புச் சட்டத்தின் வரைவுக்குழுத் தலை வராக செயல்பட்டதை மறந்துவிட முடியாது. தீண்டத் தகாதோருக்கு சுயராஜ் யம் என்பது என்னவாக இருக்கும்? என்று அம்பேத்கர் கேள்வியும் கேட்டு, ‘‘ஆட்சியாளர்கள் கண்டுகொள்ளா மல் இருப்பதோடு மட்டுமல்லாமல், சட்டமன்றங்களும் அவர்கள்பால் அசிரத்தையாக இருந்திடும். ஆட்சி யாளர்களும் அவர்களிடம் முரட்டுத் தனமாக நடந்துகொள்வார்கள். எனவே, சுயராஜ்ஜியத்தில் தீண்டத் தகாதவர்கள், இந்து சமூகம் விதித் துள்ள இழிநிலையிலிருந்து தப்பித் திட வழியே இல்லை.’’ என்று பதிலும் அளித்தார். அம்பேத்கர், தன்னுடைய ‘‘அரசு களும் சிறுபான்மையினரும்’’ என்ற நூலில் பொருளாதாரப் பாதுகாப்பு இல்லாது, அடிப்படை உரிமைகள் மட்டும் இருப்பதால் சமூகத்தில் அடித்தட்டில் இருப்பவர்களுக்கு எந்தப் பயனும் இல்லை

நாடாளுமன்ற ஜனநாயகத்தாலேயே பொருளாதார லட்சியத்தை எய்திட முடியாது என்று கூறியிருக்கிறார். சாதி அழித்தொழிப்பு என்ற புத்த கத்தில் அம்பேத்கர், சாதிய உணர்வு முறை அனைத்துப் பொருளாதார வளர்ச்சிக்கும் குந்தகம் விளைவிக் கிறது என்று கூறியுள்ளார். வேளாண் மைக்கும், இதர நடவடிக்கைகளுக் கும் கூட்டாகச் செயல்படுவதற்கு இது தீங்கு விளைவிக்கும் சூழ்நிலை களை உருவாக்குகிறது, சாதிய உறவு கள் வலுவாக இருக்கும் காரணத்தால் கிராமப்புற வளர்ச்சி சோசலிசத் தத்துவத்திற்கு எதிரானதாக இருக்கும் என்றார்.

எனவே சாதியத்தின் அடிப் படையில் அமைந்துள்ள பெரிய அள விலான நிலப்பிரபுத்துவ எஸ்டேட்டு கள் தகர்க்கப்பட வேண்டும், உழுப வனுக்கே நிலம் சொந்தமாக்கப்பட வேண்டும், நகரங்கள் மற்றும் கிராமங்கள் இரண்டுமே வேகமாக முன்னேற்றம் அடைவதற்கு ஏற்ற வகையில், அப்போதுதான் அவர் களால் ஒன்றிணைந்து கூட்டாகப் பயிர் செய்திட முடியும் என்று அம் பேத்கர் கூறினார். காங்கிரஸ் குறித்தும், காந்தியம் குறித்துமே அம்பேத்கர் சரியான நிலை எடுத்துள்ளார். காங்கிரசும், காந்தியும் என்கிற தன்னுடைய நூலில் அம்பேத் கர், ‘‘காந்தியம் வசதி படைத்தவர்கள் மற்றும் சொகுசு வர்க்கத்தாரின் சித்தாந்தமாகும். அது வாழ்வின் அவலநிலையைக் கூட மிகச் சிறந்த நல்லதிர்ஷ்டங்களாகக் கருதி ஏற்றுக் கொள்ள வேண்டும் என்று மக்களுக் குத் தவறாக வழிகாட்டுகிறது. காந்தி யம் தெருக் கூட்டும் முறையைக் கூடச் சமூகத்தின் உன்னதமான பணி என்று கூறி அதனை மிகவும் பேணிப் பாதுகாக்க வேண்டும் என்று கூறுகிறது’’ என்று குறிப்பிட்டிருக் கிறார்.

 தரிசு நிலங்களை விவசாயத்திற் காகக் கையகப்படுத்தி அவற்றை நில மற்ற விவசாயத் தொழிலாளர்களுக் குக் கொடுப்பதன் மூலம் விவசாயத் தொழிலாளர்களின் பிரச்சனைகள் தீர்க்கப்பட வேண்டும் என்று அம்பேத் கர் கூறினார். அனைவருக்கும் கொடுப்பதற்கு நிலம் எங்கே இருக்கிறது என்று கேட் பவர்களுக்கும் அம்பேத்கர் பதில் சொல்கிறார். ‘‘நான் சோவியத் அமைப்பு முறையை சிறந்ததெனத் தேர்ந்தெடுக் கிறேன். நம்முடைய அவலநிலையை அகற்றுவதற்கு ஒரே வழி கூட்டுப் பண்ணை விவசாயம்தான், என் கருத்துப்படி சோவியத் நாட்டில் உள்ள விவசாய முறை சிறந்தது,’’ என்கிறார்.

அடுக்கப்பட்ட மூட்டைகளில் அடிமூட்டையாக இருக்கும் தலித்து கள் வாழ்வின் உரிமைகளுக்காகப் போராடிய அம்பேத்கர், இந்திய அர சியலமைப்புச் சட்டத்தை உருவாக்கு வதிலும் பங்கேற்று அந்தச் சட்டத் திலே மனிதனுக்கு மனிதன் சமம் என்ற வகையில் சாதியால், மதத்தால் ஒடுக்கப்பட்டவர்கள், சட்ட ரீதியாக நிவாரணம் கிடைக்கப் போராடலாம் என்று பதிவு செய்தது என்பது சாதாரண விஷயம் அல்ல. இதையெல்லாம் பாராட்டுகிற அதே நேரத்தில், அரசியலமைப்புச் சட்டத்தில் உள்ள இந்தப் பகுதி இன் றும் ஏட்டளவிலேதான் இருக்கிறதே யொழிய, நாட்டில் பெருமளவில் நடைமுறையில் இல்லை என்பதும் மிகுந்த வேதனை அளிக்கக்கூடிய விஷயமாகும்.இந்து மதம், எங்கள் மதம் என்று, இந்தியர்கள் என்று வேதாந்தம் பேசும் அத்வானி வகையறாக்கள், சாதியக் கொடுமைகளுக்கு ஆளாகித் தவிக் கும் தலித்துகளை இந்துக்கள் என்று கணக்கில் கொள்வதில்லை. நாட்டின் மொத்த மக்கள் தொகையில் 20 விழுக்காடு அளவிற்கு உள்ள தலித்துகளில் பெரும்பகுதியினர் இந்துக்கள்தான் என்பதைக் கணக்கில் கொள்ளும்போது, இந்து மதவெறியர்களான பாஜக/ஆர்எஸ்எஸ்-காரர்கள் சிறுபான்மை மதத்தினருக்கு எதிராக மட்டுமல்ல, இந்து மதத்திலேயே ஐந்தில் ஒரு பகுதியினராக இருக்கக்கூடிய தலித்துகளுக்கும் எதிரானவர்கள் என்பது வெள்ளிடை மலை.

தலித்துகளுக்கு எதிரான கொடு மைகள் நாடு முழுவதும் இன்றும் தொடர்கின்றன. உத்தரப்பிரதேசத்தில் ஒரு கிராமத்தில், தலித் சிறுவன் ஒரு வன் உயர்சாதியினர் வளர்த்த நாயைக் கல்லால் அடித்தான் என்பதற்காக, அவன் வசித்த கிராமத்தையே உயர் சாதியினர் அடித்து நொறுக்கியுள் ளார்கள். இதேபோன்று தூத்துக்குடி மாவட் டத்தில் ஒரு கிராமத்தில் தலித்துகள் ஆண் நாய் வளர்க்கக்கூடாது என்கிற கட்டுப்பாடு இருப்பதையும் முன்பு நாம் குறிப்பிட்டிருக்கிறோம். சமீபத் தில் தஞ்சாவூர் மாவட்டத்தில் பிற்படுத்தப்பட்ட சாதியைச் சேர்ந்த பெண்ணைத் திருமணம் செய்து கொண்ட தலித் இளைஞரை, வஞ்சக மாக வரவழைத்து, கொடூரமான முறையில் சாதி வெறியர்கள் கொன் றுள்ளார்கள். தருமபுரி மாவட்டத்தில் தலித்துகள் கிராமங்களையே சாதி வெறியர்கள் அடித்து நொறுக்கி இருக்கிறார்கள். இவ்வாறு தலித்துகள் மீது தாக்கு தல்கள் தொடர்கின்றன. 

இந்நிலையில் ராமதாஸ் போன்ற வர்கள் என்ன செய்கிறார்கள்? சாதி வெறியைத் தூண்டுகிற விதத்தில் தீண்டாமையை நியாயப் படுத்தக்கூடிய வகையில் பேசியும் எழுதியும் வருகிறார்கள். தலித் ஆண் கள், பிற்படுத்தப்பட்ட/மிகவும் பிற் படுத்தப்பட்ட/முன்னேறிய சாதியைச் சேர்ந்த பெண்களைத் திருமணம் செய்யக் கூடாதாம். ஆனால் அதே சமயத்தில் மேல் சாதி ஆண்கள், கீழ் சாதிப் பெண்களை எது வேண்டு மானாலும் செய்யலாம். சதுர்வர்ணம் எனப்படும் நால்வர் ணம் இதைத்தான் சொல்கிறது. அதா வது, கீழ் சாதி ஆண்கள், மேல் சாதி பெண்களுடன் உறவு கொண்டால் அது கடுமையான குற்றம். இதைத் தான் இப்போது ராமதாஸ் வேறுவித மாகக் கூறிக்கொண்டிருக்கிறார். தனது சாதி என்று மட்டும் சொன்னால் எடு படாது என்பதற்காக பிற்படுத்தப்பட்ட /மிகவும் பிற்படுத்தப்பட்ட சாதி அமைப்புக்களை சேர்த்துக்கொண்டு தலித்துகளுக்கு எதிராக இயக்கத்தை நடத்திக் கொண்டிருக்கிறார்.

இவ் வாறு இவர் தலித்துகளுக்கு எதிராக சாதி வெறியைக் கிளப்புகிறார் என்பது மட்டுமல்ல, இவ்வாறு தீண்டாமைக் கொடுமைகளுக்கு அடிப்படையாக இருக்கும் பிராமணீயத்திற்கும், அதற்கு அடிப் படையாக இருக்கும் மனு(அ)தர்மத் திற்கும் வக்காலத்து வாங்குகிறார். அம்பேத்கர் பிறந்தநாளைக் கொண்டாடும் இத்தருணத்தில், கடந்த ஒரு நூற்றாண்டு காலமாக சாதியத்திற்கு எதிராக, சதுர்வர்ணத்திற்கு எதிராக, அம்பேத்கர், ஜோதி பாபுலே, நாராயணகுரு, தந்தை பெரியார் போன்றவர்கள் மேற்கொண்ட இயக்கங்களை எல்லாம் புறந்தள்ளக் கூடிய விதத்தில் பாஜக/ஆர்எஸ்எஸ் இயக்கத்தினர் வட இந்தியாவிலும், ராமதாஸ் போன்றவர்கள் தமிழகத் திலும் முன்வந்திருக்கிறார்கள். இவர் களின் இத்தகைய மதவெறி, சாதி வெறிப் பிரச்சாரங்களை முறியடிக் கக்கூடிய விதத்தில் அம்பேத்கரின் பிறந்த தினத்தில் அனைவரும் உறுதி ஏற்போம்.

(இன்று அண்ணல் அம்பேத்கர் பிறந்ததினம்)                                         கே. வரதராசன்

மத்திய ரயில்வே அமைச்சர் தினேஷ் திரிவேதி ராஜினமா:

மத்திய ரயில்வே அமைச்சர் தினேஷ் திரிவேதி தனது பதவியை ஞாயிற்றுக்கிழமை மாலை ராஜினமா செய்தார்.

திரிணமுல் காங்கிரஸ் கட்சித் தலைவரும், மேற்கு வங்க மாநில முதல்வருமான மம்தா பானர்ஜி இவர் ராஜினமா செய்ய வேண்டும் கடந்த சில நாள்களாக வலியுறுத்தி வந்தார். இடதுசாரிகளை சமாளிப்பதற்காக தொடர்ந்து இதுபோன்ற நாடங்களை நடத்திவருகிறார் மம்தா அந்தக் கட்சியின் நாடாளுமன்றக் குழுக் கூட்டம் டெல்லியில் திங்கள்கிழமை நடைபெறுவதையொட்டி, அதில் கலந்து கொள்ள மம்தா பானர்ஜி டெல்லி வருவதையொட்டி தினேஷ் திரிவேதி ராஜினமா செய்திருப்பது பெரும்பரபரப்பை ஏற்படுத்தியுள்ளது.

ராஜினமா செய்வதற்கு முன்னர் கட்சித் தலைவரி மம்தா பானர்ஜியிடம்

பேசினேன். அதன் பின்னரே பிரதமரிடம் ராஜினமா கடித்தத்தை அளித்தேன். என்னை தொடர்ந்து எம்.பியாக செயல்பட சொன்னார் மம்தா அவர் மீது எனக்கு மிகுந்த மரியாதை உண்டு, அவர் ஒரு நல்ல தலைவி. அவர் கருத்தை மதிக்கிறேன் ன்றார் தினேஷ் திரிவேதி. ரயில்வே பட்ஜெட் மீதான விவாதம் நாடாளுமன்றத்தில் தொடங்குவதற்கு முன், பிரதமர் மன்மோகன் சிங், நிதியமைச்சர் பிராணாப் முகர்ஜி ஆகியோரை சந்தித்து தினேஷ் திரிவேதியை ராஜினமா செய்ய நிர்பந்திக்கவே மம்தாவின் தீடிர் டெல்லி பயணம் என அரசியல் வட்டாரங்கள் தெரிவிக்கின்றன. 

விளக்கம் அளிக்க எதிர்க்கட்சிகள் கோரிக்கை 

நாடாளுமன்றக் கூட்டத்தொடர் நடந்து கொண்டிருக்கும்போது, அமைச்சர் ராஜிநாமா செய்வது சரியல்ல என இடதுசாரிகள் கூறினர்.

இதுகுறித்து அரசும், திரிவேதியும் விளக்கம் அளிக்க வேண்டும் என்று மார்க்சிஸ்ட் நிர்வாகி வாசுதேவ் ஆச்சார்யா கேட்டுக்கொண்டார்.

எதிர்க்கட்சியினரின் கேள்விகளுக்கு பதிலளித்த நிதி அமைச்சர் பிரணாப் முகர்ஜி, பிரதமருக்கு தினேஷ் திரிவேதியிடம் இருந்து ராஜிநாமா கடிதம் வந்துள்ளது. அது பிரதமரின் பரிசீலனையில் உள்ளது எனத் தெரிவித்தார். 

பிரதமர் விளக்கம்

மத்திய ரயில்வே அமைச்சர் தினேஷ் திரிவேதியின் ராஜினாமாக் கடிதம் தனக்கு வந்துள்ளதாகவும், அக்கடிதம் ஜனாதிபதிக்கு அனுப்பி வைக்கப்படும் என்றும் பிரதமர் மன்மோகன் சிங் தெரிவித்தார். ஜனாதிபதியின் உரை மீதான விவாதத்துக்கு பதில் அளித்து பேசிய போது அவர் இவ்வாறு தெரிவித்தார். மேலும் புதிய ரயில்வே அமைச்சர் விரைவில் பொறுப்பு ஏற்பார்.  என்றும்  அவர் ரயில்வே துறையை நவீன மயமாக்கும் திட்டத்தை முன்னெடுத்து செல்வார் என்று பிரதமர் தெரிவித்தார் 

செய்திகள் :சங்கரன்கோவில் ஆந்திர மாநில இடைத் தேர்தல் வாக்குப்பதிவு

சங்கரன்கோவில் இடைத்தேர்தல் விறு விறு வாக்குப்பதிவு

சங்கரன்கோவில் இடைத்தேர்தலலுக்கான வாக்குப்பதிவு தற்போது நடைபெற்று வருகிறது. காலை 8 மணிக்கு தொடங்கிய வாக்குப்பதிவு விறுவிறுப்பாக நடைபெற்று வருவதாக அங்குள்ள அரசியல் நோக்கர்கள் தெரிவித்துள்ளனர்.

242 வாக்குச் சாவடிகளைக் கொண்ட இந்த தொகுதியில் பலத்து பாதுகபாப்புடன் தற்போது வாக்குப்பதிவு நடைபெற்று வகுகிறது. தற்போது 13 வேட்பாளர்கள் களத்தில் உள்ளனர்.  தேர்தல் பணியில் ஆயிரத்துக்கும் அதிமான அலுவலர்கல் ஈடுபடுத்தப்பட்டுள்ளனர். வாக்குப் பதிவு இயந்திரத்தில் கோளாறு  ஏற்பட்டால், அதை சமாளிக்க மாற்று வாக்குப்பதிவு இயந்திரIங்கள் தயாரிநிலையில் வைக்கப்பட்டுள்ளன.

தமிழகத்தில் தற்போது நடைபெற்றும் வரும் இந்த இடைத்தேர்தல் பெரும்

எதிர்பார்ப்பை ஏற்படுத்தியுள்ளது.. 

ஆந்திர மாநிலத்தில் 7 சட்டப்பேரவைத் தொகுத்திகளுக்கான இடைத்தேர்தல் இன்று காலை பலத்து பாதுகாப்புடன் தொடங்கியது.

கோலப்பூர், நாகர்கர்னுல், மஹபூப்நகர், கமாரெட்டி, அதிலபாத், ஸ்டேஷன்கான்பூர் ஆகிய தொகுதிகள் தெலுங்கானா பகுதியிலும், கோவூர் தொகுதி கடலோர ஆந்திரப் பிரதேதச்சிலும் உள்ளன. இவை 13 லட்சம் வாக்களார்களைக் கொண்டுள்ளன.

காலை 8 மணிக்கு தொடங்கிய வாக்குப்பதிவு இன்று மாலை 5 மணி வரை நடைபெறும். தேர்தலுக்கு தேவையான அனைத்து ஏற்படுகளும் செய்யப்பட்டுள்ளன என்று அம்மாநில தேர்தல் ஆணையர் பன்வார் லால்தெரிவித்தார்.

ஐந்து தொகுதிகளின் சட்டமன்ற உறுப்பினர்கள் தனித் தெலுங்கானா

போராட்டத்துக்கு ஆதரவு தெரிவித்து பதவியை ராஜினமா செ்ய்தனர். மஹபூப்நநகர் எம்,எல்.ஏ. காலமானார். தெலுங்கு தேசம் கட்சி கோவூர் எம்.எல்.ஏ. ஒய்.எஸ். ராஜசேகர ரெட்டிக்கு ஆதரவு தெரிவித்து ராஜினமா செய்தார். இந்த சம்பவங்களை அடுத்து மேற்கண்ட தொகுதிகளுக்கு இடைத்தேர்தல்கள் நடைபெறுகின்றன என்பது குறிப்பிடத்தக்கது. 

மரபணு பயங்கரவாதமும் இந்திய உயிரி தொழில்நுட்ப மசோதாவும்

எதையாது செய்து நான் என்றும்  ஏகாதிபத்திய அடிமை என்று நிருப்பிக்க தொடர்ந்து பல்வேறு மாசோதாக்களை கொண்டுவந்து குறிப்பாக அமெரிக்காவிடம் நல்லபெயர் எடுக்க முயற்சி செய்து வருகிறார் பிரதமர். ஏற்கனவே அன்னிய முதலீட்டு மசோதா காத்துகிடக்கிறது. இன்நிலையில் மன்மோகன்சிங் அரசு புதிய மரபனு மசோதாவை கொண்டுவர துடிக்கிறது. அதுகுறித்து இந்து நாளேட்டில் வந்த கட்டுரை உங்கள் பார்வைக்கு

நாடாளுமன்றத்தில் தாக்கல் செய்யப்படவுள்ள “இந்திய உயிரி தொழில் நுட்பம் ஒழுங்காற்று ஆணைய மசோதா நிறைவேற்றப்படுமேயானால், அது நம் நாட்டின் விவசாயம், மக்கள் உடல் நலம், மற்ற பிராணிகளின் உடல் நலம், சுற்றுப் புறச்சூழல் ஆகிய அனைத்தும் பாதிக்கப்படும். இந்தியாவில் மரபணு தொழில் நுட்பத்தைக் கட்டுப்படுத்தும் முறைமைகள் ஏற்கனவே குறைபாடுகளுடன் உள்ளன. இதனால்தான் அன்றைய சுற்றுப்புறச் சூழல் மத்திய அமைச்சர் ஜெய்ராம் ரமேஷ் மரபணு மாற்றப்பட்ட பி.டி. கத்திரிக்காயை இந்தியாவிற்குள் கொண்டு வருவதற்கு காலவரையற்ற தடையை விதித்தார். ஆச் சரியம் என்னவென்றால், இந்திய மரபணு பொறியியல் ஒப்புதல் குழு பி.டி. கத்திரிக் காயை இந்தியாவிற்குள் நுழைவதற்கு ஒப் புதல் அளித்திருந்தது. அதையும் மீறியே அன்றைய அமைச்சர் தடையை விதித்தார். மரபணு மாற்றப்பட்ட பயிரினங்களுக்கு எளிதான முறையில் ஒப்புதல் வழங்க வழி செய்வதே இம்மசோதாவின் நோக்கமாகும். இம்மசோதா மக்கள் நலனுக்கு எதிரானது; இந்திய அரசியலமைப்புச் சட்டத்திற்கு எதிரானது. எனவே முற்றிலும் நிராகரிக்கப்பட வேண்டிய மசோதா.

மசோதாவின் சில முக்கியமான அம்சங்கள்

திட்டமிடப்பட்டுள்ள ஆணையத்தில் மூன்று நிரந்தர உறுப்பினர்களும் இரண்டு உறுப்பினர்கள் சுழல் முறையிலும் நிய மிக்கப்படுவர். மூன்று பிரிவுகளைக் கொண்ட இவ்வாணையத்தின் ஒவ் வொரு பிரிவிற்கும் ஒரு தலைமை அதி காரி கண்காணிக்கும் பொறுப்பில் இருப்பார். இவர்களுக்கு உதவி செய்திட அமலாக்கப் பிரிவு, விளைவுகளை மதிப்பிடும் பிரிவு, அறிவியல் ஆலோசனைக்குழு, சுற் றுச்சூழல் பாதிப்பு கணக்கிடும் குழு, மத் திய உயிரித் தொழில் நுட்ப ஆலோசனைக் குழு, மாநிலங்கள் அளவிலான உயிரி தொழில் நுட்ப ஆலோசனைக் குழு என்று ஏராளமான குழுக்கள் அமைக்கப்பட உள் ளன.

இக்குழுக்களில் எல்லாம் இன்றைய உயிரி தொழில் நுட்பத்தின் நுட்பங்கள் பற்றி எதுவுமே தெரியாத அதிகாரிகளே பொறுப்பேற்பார்கள். மசோதாவின் எந்த இடத்திலும் குடிமைச் சமூகங்களின் பங்கேற்பு பற்றி பேசப்படவில்லை. இம் மசோதாவின் பல்வேறு அம்சங்கள் சாதாரண குடிமக்களை பாதிக்கும் விதமாக உள்ளன. இருப்பினும் அவர்கள் சார்பாக இவ்வாணையத்திடம் முறையிட குடிமைச்சமூகங்களுக்கு உரிமை அளிக்கப்படவில்லை. இவ்வாணையம் மத்திய அரசின் எத்துறையின் கீழ் செயல்படும் என்பதும் குறிப்பிடப்படவில்லை.

இந்தியாவின் உயிரிதொழில் நுட்பத் துறைதான் மரபணு மாற்றப்பட்ட பயிரினங்களுக்கு ஒப்புதல் அளித்து வருகிறது. இத் துறையே இவ்வாணையத்தின் உறுப்பினர்களை நியமிக்கப் போகிறது என்பது எந்த வகையில் நியாயமானதாகும்? இவ்வாணையத்தின் உறுப்பினர்கள் நேர் மையுடன் செயல்படுபவர்களாக இருப்பார்கள் என்று பொதுவாகக் கூறப்பட் டுள்ளது.

இந்திய அரசியலமைப்புச் சட்டத்தின் படி விவசாயம், மாநிலங்களின் உரிமைகளுக்குள் அடங்கும். எனவே மரபணு மாற்றப்பட்ட பயிரினங்களை அனுமதிப்பது குறித்த முடிவை மாநிலங்களே எடுக்க முடியும். அடிப்படையிலேயே இம்மசோதாவின் அம்சங்கள் மாநிலங்களின் உரி மைகளில் குறுக்கீடு செய்யும் விதம் அமைந்துள்ளன.

2009ல் பி.டி கத்திரிக்காய் பிரச்சனை எழுந்த போதே பத்துக்கும் மேற்பட்ட பல் வேறு அரசியல் கட்சிகளின் தலைமை யிலிருந்த மாநில அரசுகள், தங்கள் மாநி லங்களில் பி.டி. கத்திரிக்காயை அனு மதிக்க மாட்டோம் என்று உரக்க உரைத்தன.

இம்மசோதாவின் 28வது பிரிவு இவ் வாணையத்தின் அறிவிப்புகள் எல் லாம் வாணிப ரகசியங்கள் என்பதால், அவை கள் தகவல் பெறும் உரிமைச் சட்டத்தின் கீழ் வராது என்று கூறுகிறது. எனவே குடி மைச் சமூகங்கள் இவ்வாணையத்தின் எந்த ஒரு பிரிவையும் கேள்விக்குள்ளாக்க முடியாது.

இந்தியக் குடிமக்கள் ஒவ்வொருவ ரையும் பாதிக்கப் போகும் இப்பொருள் குறித்து பொதுமக்களின் கருத்தைக் கேட் டறிவதற்கு எந்த முயற்சியும் எடுக்கப்பட வில்லை. இம்மசோதாவின் 81, 86, 87.2 ஆகிய பிரிவுகள் இவ்வாணையத்தின் முடிவுகளை ஏற்கனவே நிலவி வரும் எந்த வொரு சட்டங்களும் கட்டுப்படுத்தாது என்று கூறுகிறது. மசோதாவின் 86வது பிரிவிலேயே பிறிதொரு பகுதியில் இவ் வாணையத்தின் முடிவுகள் எதுவும் ஏற் கனவே இருக்கும் சட்டங்களுக்கு எதி ராகச் செயல்படாது என்று சொல்லி முரண்படுகிறது.

மோசமான விளைவுகள்

நவீன உயிரி தொழில் நுட்பத்தை வரை யறை செய்யும் மசோதாவின் 3.ச பிரிவு இன்றைய உயிரி தொழில்நுட்பத்தின் உள்ளார்ந்த பல்வேறு அம்சங்களையும் புறக்கணித்து, குழப்பத்தை விளைவிக் கிறது. இச்சட்டத்தினால் இந்தியாவின் பல்கலைக்கழகங்களிலும், உயிரி தொழில் நுட்ப நிறுவனங்களிலும் அன் றாடம் நடக்கும் ஆராய்ச்சிகளுக்கும் இடையூறு ஏற்படும்.

ஏனென்றால் இவ்வாணையத்தின் ஒப்புதல் பெற்றே உயிரி தொழில்நுட்பம் குறித்த எந்தவொரு ஆராய்ச்சியிலும் ஈடு பட முடியும். இவ்வாணையத்தின் ஒப்பு தல் பெற்றே பல்கலைக்கழகங்கள் மாண வர்களுக்கு இப்பாடத்தைப் போதிக்கவும் முடியும். மசோதாவின் அட்டவணை 1ல் எந்தெந்த உயிரினங்களெல்லாம் ஆணை யத்தின் அதிகார வரம்பிற்குள் வரும் என்று பட்டியலிடப்பட்டுள்ளது.

இவ்வட்டவணையில் மனிதர்களுக் கும் மற்ற பிராணிகளுக்கும் பயனளிக்கக் கூடிய செயற்கை உயிரியல் மூலம் உரு வாக்கப்படும் பொருட்களின் பட்டி யலும் கொடுக்கப்பட்டுள்ளது. மசோ தாவை வடி வமைத்தவர்களுக்கு உயிரி தொழில் நுட் பம் பற்றி போதிய ஞானம் இல்லை என்பது இதிலிருந்து தெரிகிறது. அட்டவணை 1ன் கீழ் வரும் மற்றொரு பிரிவின்படி (2.ன), இவ் வாணையத்தின் அனுமதியின்றி இந்தி யாவில் எந்தவொரு மருத்துவமனை யிலும் அங்க மாற்றுச் சிகிச்சையும் செய் திட முடியாது.

மரபணு மாற்றப்பட்ட பயிரினத்தை எந்த வழி முறையைப் பின்பற்றி தேர்ந் தெடுக்கப்பட்டது என்பது குறித்த உண் மையையும் வெளியிட வேண்டிய தில்லை. முதலில் மரபணு மாற்றப்பட்ட பயிரினத்திற்கு உண்மையிலேயே தேவை இருக்கிறதா என்ற சமூக-பொருளாதார ஆய்வை மேற்கொள்ள வேண்டும்.

தேவைப்படும் என்ற முடிவுக்கு வந் தால், மரபணு மாற்றப்பட்ட பயிரினத்தை ஏற்றுக்கொள்ளும் சூழல் இந்திய விவ சாயத் துறையில் இருக்கிறதா என்பதைக் கண்டறிய வேண்டும். மரபணு மாற்றப் பட்ட பயிரினத்தைக் இந்தியாவிற்குள் கொண்டுவருவது இன்றியமையாதது என்ற முடிவுக்கு வரும் பட்சத்தில், அதற் கான சோதனைகளை மேற்கொள்ள சுதந் திரமாகச் செயல்படும் தரமான ஆய்வுக் கூடங்கள் பற்றி மசோதா எதுவும் பேச வில்லை.

ஆணையத்தின் வானளாவிய அதிகாரம்

ஒரு நிலத்தில் மரபணு மாற்றப்பட்ட பயிர் விளைவிக்கப்படுகிறது என்பதைக் கட்டாயமாக அறிவிக்க வேண்டும் என் பதையும் சட்டம் சொல்லவில்லை. இதன் அருகாமையில் விளைவிக்கப்படும் சாதாரண பயிரினத்தை இது நிச்சயம் பாதிக்கும் என்கிற போது இவ்வறிவிப்பு மிக முக்கியமானது. மசோதாவிலேயே மிக மோசமான பிரிவு 62 ஆகும். இது விதி மீறலையும் அதற்கான தண்டனையையும் பற்றிக் குறிப்பிடுகிறது. ஆணையத்தின் ஒப்புதலுடன் வரும் மரபணு மாற்றப்பட்ட பயிரினத்தைப் பற்றி யாரேனும் எதிர்ப்பு தெரிவித்தால் அது குற்றமாகக் கருதப் படும். அதற்கான தண்டனையாக மூன்று மாத சிறை வாசமும், ஐந்து லட்சம் ரூபாய் தண்டல் தொகையும் விதிக்கப்படும். ஆணையத்தின் முடிவே இறுதியாகும். இதை எந்த மன்றத்திலும் மேல்முறையீடு செய்ய முடியாது. உயிரி தொழில் நுட்ப ஆணையத்தின் உயர்மட்டக் குழுவில் இருக்கும் ஐந்து அதிகாரிகளே வானளா விய அதிகார த்தைப் பெற்றவர்கள் ஆவர். இந்தியாவில் உள்ள ஆயிரக்கணக்கான உயிரி தொழில் நுட்ப வல்லுநர்களின் கூற் றுக்கு மதிப்பும் மரியாதையும் கிடையாது.

மசோதா கொண்டுவருவதற்கான காரணம் என்ன?

இன்றைய உலகின் மிகப் பெரிய வியாபாரம் உணவுப் பொருள் வியாபாரமாகும். இதை யார் கட்டுப்படுத்துகிறார்களோ அவர்களே உலகைக் கட்டுப்படுத்து பவர்கள் ஆவார்கள்.

உணவு உற்பத்தியில் மேலாதிக்கம் செலுத்திட, விவசாயம் சார்ந்த உரம், விதை, பூச்சிக் கொல்லி மருந்து போன்ற இடு பொருட்களின்பால் மேலாதிக்கம் இருந்திட வேண்டும். விதை உற்பத்தியில் ஈடுபட்டுள்ள ஒரு சில பன்னாட்டு பகாசுரக் கம்பெனிகள் மரபணு மாற்றப்பட்ட விதைகளின் உரிமத்தை தங்களின் கைகளில் வைத்துக் கொண்டு, உலகையே ஆட்டிப்படைக்கத் திட்டமிடுகின்றன.

அமெரிக்க ஐக்கிய நாடுகளில் இருக்கும் இக்கம்பெனிகள் அந்நாட்டு அரசுடன் மிகவும் நெருக்கமாகவும் உள்ளன.

அமெரிக்க ஏகாதிபத்தியத்திற்கும் ஐரோப்பிய நாடுகளுக்கும் இடையில் நிலவும் இன்றைய நெருக்கடிக்கு கார ணமே, ஐரோப்பிய நாடுகள் மரபணு மாற்றப்பட்ட பயிரினங்களை அனுமதிக் காதது ஆகும். ஒரு உற்பத்திப் பொருளில் 9சதவீதம் மரபணு மாற்றப்பட்டிருந்தாலே அது விற்பனைக்கு வரும்போது தெளி வாகக் குறிப்படப்பட வேண்டும் என்று ஐரோப்பிய நாடுகள் காட்டயப்படுத்து கின்றன. அமெரிக்காவில் இத்தகு அறி விப்பு தேவையில்லாததால் அமெரிக்க மக்கள் தாங்கள் உட்கொள்ளும் உணவு எந்தளவிற்கு மரபணு மாற்றப்பட்டிருக் கிறது என்பதையே அறியமாட்டார்கள்.

இந்திய மக்களின் விழிப்புணர்வு

இந்தியாவில் மிகச் சமீப காலமாகவே மரபணு மாற்றப்பட்ட பயிர்களின் மீதான எதிர்ப்பு உருவாகியுள்ளது. இந்தியாவில் தற்போது செயல்பட்டு வரும் மரபணு மாற்றப்பட்ட பயிர்களுக்கு அனுமதியளிக் கும் குழு, இவற்றை முனைப்புடன் விற் பதற்கு உதவி செய்து, பன்னாட்டு பகாசுர கம்பெனிகளின் சேவகர்களாகச் செயல் படுகிறது. ஆனால் இன்று இந்திய மக்கள் மிகவும் தெளிவுடனும் விழிப்புணர் வுடனும் இருக்கிறார்கள். இதனால்தான் அமெரிக்க ஏகாதிபத்தியத்தின் நிர்ப்பந்தம், பன்னாட்டு பகாசுரக் கம்பெனிகளின் வலி யுறுத்தல், இந்திய அரசின் ஆதரவு இவை அனைத்தையும் மீறி பி.டி கத்திரிக்காயை இந்தியாவில் தடை செய்ய முடிகிறது. மரபணு மாற்றப்பட்ட பயிர்கள் மீதான எதிர்ப்பு நம் நாட்டில் இன்று வலுவடைந் துள்ளது. இன்றிருக்கும் குறைந்தபட்ச விதிகளின் துணை கொண்டே இவை களைத் தடுக்கவும் முடிகிறது.

பீஹார், மத்தியப் பிரதேசம், கேரளா, கர்நாடகா, இமாச்சலப் பிரதேசம் ஆகிய மாநிலங்கள் தங்கள் மாநிலங்களில் இத்தகு பயிர்களை சோதிப்பதற்கும் விளைவிப்பதற்கும் தடை செய்துள்ளன. தங்களின் எதிர்பார்ப்புகளுக்குத் தடை யாக இருக்கும் இந்தியச் சூழலை மாற்ற நினைக்கின்றன பன்னாட்டு பகாசுர விதைக் கம்பெனிகள். இவர்களின் தேவையைப் பூர்த்தி செய்யவே இம் மசோதா கொண்டு வரப்படுகிறது. இந்திய ஆட்சியாளர்கள் நாட்டு மக்களின் ஒட்டு மொத்த எண்ணங்களைப் புரிந்து கொண்டு இம்மசோதாவை மத்தியில் உள்ள ஐக்கிய முற்போக்கு கூட்டணி அரசு கைவிடும் என்று எதிர்பார்ப்போம்.

புஷ்பா பார்கவா

தமிழில்: பேரா. பெ.விஜயகுமார்.

மாற்றங்களை நோக்கி இளைய தலைமுறை!

முதலாளித்துவத்தின் தோல்வி, பொருளாதார நெருக்கடி, ஆட்சியாளர்களின் சர்வாதிகாரம் போன்ற அம்சங்களால் மார்க்சின் மூலதனம் நூலை வாங்கிப் படிக்க முற்பட்டதோடு, அமைப்பு ரீதியாகக் கம்யூனிசத்தை நோக்கி சர்வதேச அளவில் இளைஞர்கள் ஈர்க்கப்பட்டுள்ளனர்.

போர்ச்சுக்கல் தலைநகர் லிஸ்பனில் நடைபெற்ற உலக ஜனநாயக வாலிபர் கூட்டமைப்பின் மாநாட்டில் இதன் தாக்கம் இருந்தது. சோசலிசமே வருங்காலம் என்ற முழக்கத்தை உச்சரிக்கும் உதடுகளின் எண்ணிக்கை அதிகரித்துள்ளது என்று அந்த மாநாட்டில் பங்கேற்றவர்களில் பெரும்பாலானவர்கள் தெரிவித்தனர். ஏகாதிபத்திய வடிவத்தை எடுத்துள்ள முதலாளித்துவ அமைப்புதான் ஏற்றத்தாழ்வுகள், அநீதிகள் மற்றும் உலகில் நடக்கும் போர்கள் போன்றவற்றிற்குக் காரணமாக அமைந்துள்ளது.

தற்போது ஏற்பட்டுள்ள நெருக்கடி என்பது அமைப்பை மோசமாக நிர்வாகம் செய்ததால் ஏற்படவில்லை. அமைப்பே நெருக்கடி என்பதுதான் தற்போதுள்ள பிரச்சனை. மனிதகுலத்தின் தேவைகளை நிறைவேற்ற ஒருபோதும் முதலாளித்துவத்தால் முடியாது என்று மாநாட்டு நிறைவாக கூட்டமைப்பு வெளியிட்ட அறிக்கையில் கூறப்பட்டிருந்தது.

அமெரிக்க இளைஞர்களின் மனநிலையை அந்நாட்டின் இளம் கம்யூனிஸ்ட் லீக்கின் தலைவரான லிசா பெர்க்மென், அமெரிக்க முதலாளித்துவ அமைப்பு தங்களைத் தோல்வியுறச் செய்துவிட்டது என்று எங்கள் நாட்டு இளைஞர்கள் தொண்டை கிழிய முழங்கிக் கொண்டிருக்கிறார்கள். வருங்காலத்தை இருளடையச் செய்து விட்டது முதலாளித்துவம். கல்விக்கான வாய்ப்புகள் இல்லை. பொருளாதாரம் நிலையாக இல்லை. உயர்நிலைப் பள்ளி மாணவர்கள் தங்கள் நண்பர்களை வன்முறைக்கு பலி கொடுத்துக் கொண்டிருக்கிறார்கள். தங்கள் பல்கலைக்கழகப் படிப்பை முடிக்கும்போது எக்கச்சக்கமான கடன்களைச் சுமந்து கொண்டே மாணவர்கள் வெளியேறுகிறார்கள். இதனால்தான் மேம்பட்ட உலகம் வேண்டும் என்று கோரி ஆயிரக்கணக்கான இளைஞர்கள் வீதிகளில் முழக்கமிட்டுக் கொண்டிருக்கிறார்கள் என்கிறார் அவர்.

அமெரிக்காவின் கைப்பற்றுவோம் போராட்டத்தில் ஏராளமான இளைஞர்கள் பங்கேற்று வருகிறார்கள். அவர்களில் கணிசமான எண்ணிக்கையிலானவர்கள் இளம் கம்யூனிஸ்ட் லீக் உறுப்பினர்களோடு கைகோர்த்து போராட்டக்களத்தில் உள்ளனர். சிகாகோவைக் கைப்பற்றுவோம் போராட்டத்தில் ஏராளமான இளம் கம்யூனிஸ்ட் உறுப்பினர்கள் கைது செய்யப்பட்டுள்ளார்கள். இளம் கம்யூனிஸ்ட் பள்ளிகள் ஐந்து இடங்களில் துவக்கப்பட்டுள்ளன. மார்க்ஸ் மற்றும் லெனின் கோட்பாடுகள், தொழிலாளர் இயக்கம், இனவெறிக்கு முற்றுப்புள்ளி வைத்தல் உள்ளிட்ட பல்வேறு அம்சங்கள் பற்றி இளம் கம்யூனிஸ்டுகளுக்கு வகுப்புகள் எடுக்கப்பட்டன. உறுப்பினராவதற்கு ஆன்லைன் பதிவு செய்யலாம் என்ற லீக்கின் அறிவிப்பு நூற்றுக்கணக்கான இளைஞர்களை உறுப்பினர்களாக்கியுள்ளது.

ரஷ்யா

அண்மையில் நடைபெற்ற நாடாளுமன்றத் தேர்தல் மற்றும் மோசடித் தேர்தலுக்கு எதிராகக் கிளம்பியுள்ள கடும் எதிர்ப்பு ஆகியவை ரஷ்யக் கம்யூனிஸ்ட் கட்சியில் ஏராளமான இளைஞர்கள் புதிதாக இணைந்துள்ளனர் என்பதைக் காட்டியது. தேர்தல் பிரச்சாரங்களிலும், தற்போது மோசடிக்கு எதிராக நடைபெறும் ஆர்ப்பாட்டங்களிலும் பெரும் எண்ணிக்கையில் இளைஞர்கள் பங்கேற்றுள்ளனர். ஏராளமான வாக்குச்சாவடிகளைக் கைப்பற்றியே ஆளுங்கட்சி வெற்றி பெற்றது என்று பல தரப்பினரும் கூறிவருகிறார்கள். அதை மீறி கம்யூனிஸ்ட் கட்சிக்கு சுமார் 20 விழுக்காடு வாக்குகள் கிடைத்துள்ளன. கடந்த தேர்தலில் பெற்ற 12 விழுக்காடுகள், தற்போது அதிகரித்ததற்கு ஏராளமான இளைஞர்கள் ஆதரவாக வாக்களித்தது முக்கியமான காரணம் என்று கூறப்படுகிறது.

ஜப்பான்

இரண்டு பெரிய கட்சிகளுமே நாட்டை வளர்ச்சிப் பாதையில் அழைத்துச் செல்வதில் தோல்வியுற்றுள்ளன என்ற கருத்து ஜப்பான் நாட்டு இளைஞர்களிடம் உருவாகியுள்ளது. அண்மையில் நடைபெற்ற உள்ளாட்சித் தேர்தல்களில் கணிசமான முன்னேற்றத்தை ஜப்பான் கம்யூனிஸ்ட் கட்சி அடைந்துள்ளது. சில புதிய நகரங்களில் கட்சியின் வேட்பாளர்கள் மேயர்களாகத் தேர்வு செய்யப்பட்டுள்ளனர். பேரழிவால் பாதிக்கப்பட்ட பகுதிகளில் உள்ள மாகாணங்களில் தேர்தல்கள் தள்ளிப் போடப்பட்டிருந்தன. ஃபுகுசிமா போன்ற மாகாணங்களில் முன்பை விட அதிகமான அளவில் கம்யூனிஸ்ட் கட்சியினர் தேர்வாகியுள்ளனர். உள்ளாட்சித் தேர்தல்களிலும் சரி, மாகாணங்களுக்கான தேர்தல்களிலும் சரி கட்சி சார்பில் நடைபெற்ற தேர்தல் பிரச்சாரங்களில் இளைஞர்களின் பங்கேற்பு அதிகமாக இருந்தது.

ஐரோப்பா

ஐரோப்பிய யூனியனில் உள்ள 27 நாடுகளுமே நெருக்கடியில் சிக்கியுள்ளன அல்லது நெருக்கடியை நோக்கித் தள்ளப்பட்டுள்ளன. இதில் ஜெர்மனி மற்றும் பிரான்சும் கூட தப்பவில்லை. இந்த நாடுகளில் அரசுகளின் பொறுப்பற்ற கொள்கைகளை எதிர்த்த போராட்டத்தில் லட்சக்கணக்கான ளைஞர்கள் பங்கேற்று வருகிறார்கள். இடதுசாரிக் கொள்கைகளை நடைமுறைப்படுத்த வேண்டும் என்பது அவர்களின் முழக்கமாக உள்ளது. வருங்காலம் சோசலிசத்திற்கே என்ற முழக்கம் ஐரோப்பிய யூனியனில் பத்துக்கும் மேற்பட்ட நாடுகளில் உரக்க ஒலிக்கிறது. தென் அமெரிக்க நாடுகளில் ஏற்பட்டு வரும் மாற்றங்களோடு இணைத்துப் பார்த்தால் இளைஞர்களின் எண்ணங்களுக்கு வடிவம் கிடைக்கையில் முதலாளித்துவ சவப்பெட்டியில் கடைசி ஆணி அடிக்கப்படும் என்று அமெரிக்க இளம் கம்யூனிஸ்ட் லீக்கினர் தெரிவிக்கிறார்கள்.